Mala Rojê ya girêdayî Şaredariya Bajarê Mezin a Amedê, bi minasebeta Hefteya Berbiçavkirina Enerjiyê mazûvaniya xwendekaran kir.

Midûriyeta Şaxa Rêveberiya Enerjiya Vejen û Vejandinê ya girêdayî Midûriyeta Parastin û Kontrola Jîngehê, ji bo bilindkirina jîngehê xebatên hişyarkirina zarok û ciwanan li ser enerjî, enerjiya nûjen û bandorên guherîna avhewayê didomîne.

Di çarçoveya Hefteya Berbiçavkirina Enerjiyê de ji bo xwendekarên li dibistanan dixwînin li Mala Rojê ya li Qada Jiyana Hevpar a Sumerparkê çalakiyek hat lidarxistin.

Meşa hişyariyê

Di çarçoveya çalakiyê de xwendekarên Dibistana Navîn a Gaziyê ji dibistana xwe heta Mala Rojê meşiyan û pankartên ku balê dikişînin ser enerjiyê hildan û dirûşmên "Enerjiya Kesk, Gerstêrka Şîn" û "Enerjiya Bikêr, Sibe Ewle" berz kirin.

Pişt re mamosteyên Midûriyeta Şaxa Rêveberiya Enerjiya Vejen û Vejandiê li ser mijara "bi bandor bikaranîna enerjiyê, bandora enerjiya dikare bê nûkirin û sotemeniyên fosîl ên li ser guherîna avhewayê" pêşkêşî xwendekaran kirin.

Piştî bersivdayîna pirsên xwendekaran ên der barê enerjiya rojê, sotemeniyên fosîl û bandorên guherîna avhewayê de, li Mala Rojê geriyan û taybetmendî û sepanên wê yên wekî sobeyên rojê û ziwakirina rojê hatin nasîn.