Çarçewaya xebata Şaredarîya Amedî ya Şaristanê Girdî ya seba cîyakerdişê rûnê veşateyî de Aşxane ra 5 varîlî rûno veşate ame arêdayene. Sereka Daîreya Vurîyayîşê Îklîmî û Eşteyê Sifir Evîn Dinar va ke tesîsanê karî û keyeyan ra zî do bêro arêdayene.

Şaredarî şîrketêka lîsansine reyde protokolêk kerd û rûno veşate ke yeno arêdayene, tesîsanê şîrketî de do bibo sotemenîyo bîyodîzel. Dinar îfade kerd ke yew lître rûno veşate yew mîlyon lître awe keno leymine coka ganî rûno veşate nêro rokerdene.

Dinar va "Ma şarê xo ra pawenê ke na xebate rê piştî bidê" û îlawe kerd ke heta ke beşdarîya komelkî çin bo xebate do kêmî bimano.