Şaredariya Bajarê Mezin a Amedê û Şaredariya Sûrê, li taxa Mermerê Şahiya Werzîşê ya Zarokan li dar xistin. Di mîhrîcanê de dîmenên rengîn derketin holê.

Şaredariya Bajarê Mezin a Amedê, bi rêya Serokatiya Daîreya Xizmetên Ciwanî û Werzîşê û Serokatiya Daîreya Xizmetên Civakî, li gel Şaredariya Sûrê bi hevparî li Mermerê, ku taxeke girêdayî Sûrê ye, ev mîhrîcan organîze kirin. Hevserokê Şaredariya Sûrê Adnan Orhan û endamên meclîsê beşdarî vê mîhrîcanê bûn. Orhan, di dema mîhrîcanê de bi zarokan re lîst û demên xweş derbas kir. Orhanî her wiha daxwazên welatiyên li taxê jî guhdarî kirin û kêmasî û pêdiviyên wan tomar kirin.

Di mîhrîcanê de zarokan bi dilê xwe lîstikên werzîşê, boyaxkirina rûyan, lîstikên kolanan yên kevneşopî û li parkûrên kêfê yên taybet ku hatibûn avakirin, kêfa xwe kirin. Di çalakiyê de ku bû cihê dîmenên rengîn, bextewariya zarokan li ser rûyên wan diyar bû û malbat jî ji çalakiyê razî bûn.