Şaredariya Bajarê Mezin a Amedê, beşdarî "Lêkolînên Çalakiya Avhewayê û Domdariyê" ya ku li Lîtvanyayê hat lidarxistin bû.

Şaredariya Bajarê Mezin, beşdarî civînên ku li Lîtvanyayê di çarçoveya projeya "Veguherîna Enerjiyê ya Ewropayê: Balkanên Rojava û Peymana Serokan" de li Lîtvanyayê hatin lidarxistin, bû û têkiliyên girîng çêkirin. Seroka Dezgeha Guhertina Avhewa û Sifir Bermayî Evîn Dînar û ekîba projeya SECAP beşdarî civînan bûn.

Di serdana lêkolînê de, pratîkên herî baş ên li ser mijarên krîtîk ên wekî enerjiyê, tedbîrên li dijî guherîna avhewa û plansaziya bajêr a domdar hatin lêkolîn kirin. Hevpeyvîn û nirxandinan tevkariyên girîng ji bo armancên bajêr ên pêşxistina plansaziyên çalakiya guherîna avhewa kirin.

Hevkariya gerdûnî ji bo pêşerojeke domdar

Armanca serdanê ew e ku bi pêşxistina hevkariyên navneteweyî li dijî guherîna avhewayê bi bandor li ber xwe bidin û lêkolînên Plana Çalakiya Avhewayê û Enerjiya Berdewam (SECAP) ku li Ewropayê tên meşandin bi Amedê re bikin yek. Bi vî awayî dê ji bo avakirina pêşerojeke domdar li Amedê projeyên berfirehtir û bibandortir bên bicihanîn.

Şaredariya Bajarê Mezin a Amedê, armanc dike ku di polîtîkayên domdar û hawirdorparêz de gavên bibiryar bavêje, di vî warî de bi hevkariyên navneteweyî xebatên xwe xurtir bike û projeyên nûjen û hawirdorparêz bîne bajêr.