400 gedeyê ke beşdarê "Şayîya Huner û Sporî" bîyê ke Taxa Kaynartepeyî ya qezaya Baglarî de organîze bî, gedeyan pîngpong, pota, dêsê tewreyîşî û parkuranê cîya-cîyayan de kêf kerd.

Serekîya Daîreya Xizmetanê Sosyalan, Ciwanî û Sporî, Kultur û Karê Sosyalan ê Şaredarîya Şaristanê Girdî û Şaredarîya Baglarî pîya Merkezê Cuya May û Gedeyan ê Solînî yê Şaredarîya Baglarî ke Taxa Kaynartepeyî de yo, tede seba 400 gedeyan aktîvîteyê huner û sporî organîze kerdî.

Hemşaredara Şaredarîya Baglarî Leyla Ayaze ke beşdarê "Şayîya Huner û Sporî" bîye va "Seke şima zanê, 8 serrî yo şaredarîyê ma binê kontrolê qeyyûman de bî. Qeyyûman waşt ke gedeyê ma ziwanê xo û kulturê xo xo vîr ra bikerê. Ewro ma vînenê ke şaredarîyê ma reyna kulturê xo û ziwanê xo ser o xebitîyenê. No program seba ke gedeyê ma kulturê xo, ziwanê xo û ameyoxê xo xo vîr ra nêkerê, seba ma zaf muhîm bî."

'Nê tewir aktîvîteyî zaf weş benê'

Gedeyanê ke beşdarê aktîvîteyî bîy, înan ra Mervîn Berk: ez zaf memnun a. Mamostayî ma rê wextêko zaf weş vîyarnenê, ma yenê tîya û kêf kenê, resiman virazenê. Ez sipasîya xo kena heme kesê ke seba ma kedê xo dayo û ez wazena ke nê çîyî dewam bikerê."

'Zaf weş bî, ma reyna pawenê'

Gedeyan ra Helîn Oduncu zî îfade kerd ke aktîvîteyê ke organîze bîyê ê zaf kerdê keyfweş û va "Sipas seba heme kesê ke tîya de kedê înan vîyarto. Ma zaf şa bîyî ke çîyêko winasî ame kerdene. Weş bî, kêfweş bî û ma reyna pawenê."