Şaredarîya Amedî ya Şaristanê Girdî û şaredarîyê qezayan pîya keyfê sînema vejenê teber û parkan de şarî reyde anê têhet.

Sînebîro ke girêdayeyê Serekîya Daîreya Karanê Kulturî û Sosyalan o, şaredarîyanê Sûr, Yenîşehîr, Kayapinar û Baglarî reyde pîya pêroyê aşma tebaxe de keyfê sînema vejeno teber û bi programêko hîra şarî parkan de resneno sînema. Fîlmî do parkan de bêpere bibê û saete 20.00î de dest pêbikerê.

Cayê ke do fîlmî bêrê temaşekerdene

Kayapinar de 1ê tebaxe de Parkormanî de fîlmê “Rojan ra yew roje ke Hemme mirena” 6ê tebaxe de Parka Aştî de fîlmê “Gergerok”î, 13ê tebaxe de Kompleskê Sporî yê 500 Evleran de “Çekliko Şen” û 20ê tebaxe de zî Taxa Peyasî de fîlmê kewelekan do bêrê tamaşekerdene.

Sûr de 5ê tebaxe de Taxa Alî Paşayî de fîlmê “Çewliko Şen”, 12ê tebaxe de Taxa Tîlelekî de fîlmê “Gergerok”î, 19ê tebaxe de Taxa Zorova de fîlmê “Cîranê mi Toroto” 26ê tebaxe de zî Taxa Îskender Paşayî de fîlmê “Cîran do bêro temaşekerdene.

Yenîşehîr de, 7ê tebaxe de Parka Mahmut Zengîn a Tokîyanê Uçkuyularan de “Nameyê Mi Mutlu yo”, 14ê tebaxe de Parka Koru ya Kombananê Seyrantepeyî de fîlmê “Cîran”, 21ê tebaxe de Parka Yenîşehîrî de fîlmê “Lîçika Werdekan a Kiroxine” û 28ê tebaxe de zî Kuçeyê Çelikevleran de fîlmê “Kewelokî” do bêrê temaşekerdene.

Baglar de, 9ê tebaxe de parka Korhatî de fîlmê “Embazê Mi Toroto”, 16ê tebaxe de Parka Gulan de fîlmê “Lîçika Werdekan a Kiroxine”, 23ê Tebaxe de Parka Koşuyolu de “Nameyê mi Mutlu yo”, 30ê tebaxe de zî fîlmê “Rojan ra yew roja ke Hemme mirena” do temaşekerdoxan reyde bêrê têhet.