Şaredarîya Amedî ya Şaristanê Girdî û Şaredarîya Baglarî, Taxa Muradîye de awanîyê metrukî, ke bi serranê dergan weşî û emnîyetê komelî tehdît kenê, bi piştîdayîşê hemwelatî û rêxistinanê komelê sîvîlî yew bi yew rijnenê. Badê temamkerdişê muameleyanê qanûnî û teknîkan, awanîyêka metruke ya bîne zî bi kontrol ame rijnayîş.

Çarçewaya xebatanê hemparan ê Serekîya Daîreya Pawitiş û Kontrolê Cugehî û Şaredarîya Baglarî de, Baglar de heta nika 210 ra zafêr awanîyê metrukî ameyî rijnayîş; 14 cayanê cîyayan de ke destûrê ci ameyî girewtiş, bi dest û makîneyanê karî xebate dewam kena. Seba vernîgirewtişê tozî bêvindertiş war awe dîyeno û rayîrê vîyartişî trafîk rê yenê girewtiş.

Warê rijnayîşî de Hemvatoxê Meclîsî Ayhan Karatekîn, Hemşaredarê Baglarî Leyla Ayaz û Sirac Çelîk, Hemşaredarê Sûr, Yenîşehîr û Erxenî û serekê daîreyan beşdarê rijnayîşê hemparî bîyî. Hemşaredarê Erxenî Şîyar Guldikenî vat ke bi hemleya "Rabin" vera madeyan têkoşîn dewam keno. Hemşaredara Baglarî Leyla Ayaz vat: "Ma heta nika 210 ra zafêr awanîyê metrukî rijnayî, ma do dewam bikerê."