Şaredarîya Amedî ya Şaristanê Girdî, piştîdayîşê xo yê seba nêweşanê Fenîlketonurî (PKU) ke resayîşê xidayanê taybetîyan ê kêmîproteînî de zehmetî ancenê, dewam kena.

Tatbîqato ke Kanûna 2025î de bi 5 nêweşan dest pêkerdbî, bi xebatanê warî ke seranserê şaristanî de ameyî ramitiş, resa 50 nêweşan.

Çarçewaya piştîdayîşê de ke hetê Serekîya Daîreya Xizmetanê Astengdar û Pîran ra yeno kerdiş, mabênanê muayenan de do kolîyê xidayê kêmîproteînî bêrê dayîş bi nêweşanê PKUyî ke hewceyîya werdişê taybetî ci de est a.

Bi piştîdayîşê xidayan yeno amanckerdiş ke hem resayîşê nêweşan ê berhemanê taybetîyan bêro asankerdiş, hem zî keyeyî hetê ekonomîkî ra bêrê piştîdayîş.