Weçînayîşanê YKSyî rê Rayberîya Akademî Sûrî
Şaredarîya Amedî ya Şaristanê Girdî demê weçînayîşê Îmtîhanê Dezgehanê Wendişê Berzî (YKS) de namzedanê unîversîte rê xizmetê şêwirmendîya weçînayîşî ya bêpere dana.
Serekîya Daîreya Xizmetanê Komelkîyan a Şaredarîya Amedî ya Şaristanê Girdî demê weçînayîşê Îmtîhanê Dezgehanê Wendişê Berzî (YKS) de namzedanê unîversîte rê xizmetê şêwirmendîya weçînayîşî ya bêpere dana.
Çarçewaya xizmetî de ke Merkezê Etudî yê Akademî Sûrî de mabênê 29ê temmuze-10ê tebaxe de, mîyanê hewteyî de saetanê mesaî de yeno pêşkêşkerdiş, wendekarî eşkenê mamostayanê rayberan ê pisporan ra piştîdayîşê yew bi yew bigîrê.
Namzedan rê derheqê awankerdişê lîsteya weçînayîşî, averberdişê stratejîyanê weçînayîşî, erjnayîşê alternatîfanê unîversîte û beşan, analîzkerdişê kontenjan û rêza serkewtişî û plankerdişê karîyerî de xizmetê rayberîye yeno pêşkêşkerdiş.
Wendekaran ke keyfweşîya xo ya nê xizmetê şêwirmendîya weçînayîşî ard ziwan, dîyar kerd ke piştîdayîşê perwerdeyî yo ke şaredarîye pêşkêş keno, înan rê firsendêko muhîm o û şaredarîya ma rê sipas kerd.