Hemşaredara Amedî Serra Bucak, Hemvatoxê Meclîsê Şaredarîya Amedî Ayhan Karatekîn û serekanê daîreyanê têkilîdaran reyde pîya, xebatê ke qezaya Sûrî de herêma Teknokentî û qezaya Yenîşehîrî de Bulwarê Alî Gaffar Okanî ser o benê, cayê xo de etud kerdî û wezîfedaran ra agahî girewte.

Teknokent de rayîrê 2 hezar û 500 metreyî de xebatê asfaltî temam benê; Bulwarê Alî Gaffar Okanî de zî 50 hezar metrekare warê keskî yo newe, rayîrê rayîrşîyayîşî, roşnkerdişo modern û serûberkerdişê peyzajî yê hîrayî dewam kenê.

Cigêrayîşanê warî de Bucak hemwelatî û esnafan reyde zî ame têhet, waştiş, pêşnîyaz û rexneyê înan goşdarî kerdî.

Bucak îfade kerd ke Şaredarîya Şaristanê Girdî bi heme îmkananê xo do seba hewceyîyanê şaristanî çareyan peyda bikero û sermîyangozarîyan dewam bikero ke qalîteya cuye zêde kenê.