Mudirîya Pêroyî ya DÎSKÎ, bi amancê ke problemê kanalîzasyonî ke Taxa Kabê ya girêdayeyê qezaya Sûrî de teqrîben 14 serrî yo dewam keno bêro çarekerdiş, 3 kîlometre xeta kanalîzasyonî ya newîye û 35 bacayê muayene virazena.

Çarçewaya xebatan de ke 24ê temmuze de dest pêkerd, qismo yewin ê 1 kîlometreyî temam bî; yeno amanckerdiş ke proje 15 rojan de bêro qedênayîş.

Bi xeta newîye do hewceyîya binawanî ya waranê ronîştişî yê nikayînan bêro temînkerdiş û hewceyîya kanalîzasyonî ya demê ameyoxî ya herêman bigîrîya binê emnîyetî.

Şaredarîya Amedî sermîyangozarîyanê binawanî yê biweşî, xurt û domdaran seranserê şaristanî de dewam kena.