Hemşaredara Amedî ya Şaristanê Girdî Serra Bucak, heyetêk reyde projeyê ke waranê berhemardiş, perwerde û bostankarîya şaristanî de ameyî bicaardiş, zîyaret kerdî.

Bucak ke Tesîsê Berhemardiş û Xebitnayîşê Nebatanê Dermanî-Aromatîkan, Dibistana Îklîmî ya Agroekolojî, warê Serekîya Daîreya Xizmetanê Dewan û Bostanê Şaristanî yê Komunê Cinîyan zîyaret kerd, ekîbanê teknîkan ra derheqê rewşa nikayîne ya xebatanê waran, prosesanê berhemardiş û plankerdişanê seba averberdişê projeyan de agahî girewte.

Zîyaretî de zêdekerdişê kapasîteya berhemardiş, vilakerdişê tatbîqatanê citkarîya ekolojîke û xebatê ke beşdarîya cinîyan a berhemardişî xurt kenê, ameyî erjnayîş.

Bernameyê warî de Hemvatoxa Meclîsê ma Demet Ceylan û Hetkara Sekreterê Pêroyî Zerîn Turk û Azîz Ozdogan Hemşaredara ma reyde bîyî.