Projeya Dewa Lojîstîk de îmzayon erzîya

Şaredarîya Bajarê Girdî ya Dîyarbekirî semedo ke bajarî ma abikero bazarê Rojhelato Miyanen û Asyaya Miyanen , Dewa Lojîstîk awan keno û îmzayêprojeya Dewa Lojîstîk erzîya.

Walîyê Dîyarbekriê Munır Karaloglu merasîmê Merkezê Kongre ya Alî Emîrî de qalî kerd û da zanayene ke serra 2012 ra nata seba ina projeyi xebatan dest pêkerdo.

Karalogluyî da zanayene ke roja ke ameyo wezîfe nata semedo ke leze bide xebatan çi dest ra ameyo texsîr nêkerdo û badê kedwerê ina xebate ewilî Serekkomar Recep Tayyıp Erdoganî rê badê heme kedweran rê spas kerd.

Karalogluyî vîr vîst ke se ke Ajansê Averberdişî yê Qerejdaxî xebata fîzîbîlîte qedînay prosesê îhaleyî zî dest pêkerdo û bedele îhaleyî 1 mîlyar 150 mîlyon lira yo.

Karalogluyî îzeh kerd ke prosesê pandemî de erjê lojîstîkî vejÎyayo meydan û lojîstîk hem tesîrê qalîteyê berheman keno hem zî erjanîye keno. Karalogluyî bade qalîkerdişê xo wina domna: “ Nikah eme cîhane de problemê madeyê xam estê. Her çi de zî vayîye esta.Bingehê nînan de kêmanîyê lojîstîkî esta.Hukumetê Îngilîstanî vano ke nêşêno ke tankeran bivîno û petrol neqlê îstasyonan bikero. Yanê bal anceno giringiya lojîstîkî .”

Karalogluyî derheqê avantajê Merkezê Lojîstîkî de zî agahî da û : “İna proje hem seba mintiqa ma hem zî sena welate ma avantajêko zaf gird o. Bajarê ma hem nêzdîyê Rojhelato Miyanen  o hem zî Asyaya Miyanen yanê rayê bazirganî de ca gêno. Dewa Lojîstîk de semedê madeyê xam û berheman depoyî bêrê awankerdiş û tîya ra hem zî rayîro asinen zî vîyareno.”

Dîyarbekir de kar û gurê ma weş şino

Karalogluyî da zanayene ke eke ina proje qedîna biqêdeyo hem faydayê ci bibo ekonomîyê bajarî ma hem zî welate ma.

Karalogluyî qalîkerdişê xo wina qedînay: “Înşallah Dîyarbekir de sey ina sermayegozarîyan bajarê ma xêz bibo. Tekstîl Kent de xebatan bil eze dewom keno û heto bîn ra hem Mintiqa Organîze Sanayî yê Qerejdaxî beno gird.Verê Dîyarbekirî akerde yo û kar û güre ma weş şino.Înşallah nê sermayegozarîyî xêz bide bajarî ma.”

Walî Karaloglu qalîkerdişê xo ra dima îmzayê projeyi eşt.

Dewa Lojîstîk ya tewr gird yeno awankerdiş

Dewa Lojîstîk 217 hektar ser o bêro awankerdiş û hem başûrê rojhelatî de cayêko sifte yo hem zî merkeze tewr giring a Tirkîya yo. Dewa lojîstîk de rayîro asin ya 5 şerîtin bêro viraştiş.

Dewa lojîstîk de 11 hezar metrekareyin 16 heb pê rayîro asin, 12 hezar û 500 metrekareyin 8 heb bê rayîro asin, 5 ehzar û 600 metrekareyin 11 heb, 2 hezar û 900 metrekareyin 23 depo, 161 hezar û 500 metrekareyin depoyê lîsansin ya cayê silo, termînalê rayîro asin, parke goreyê 700 heb tir û îstasyonê akaryakitî bera viraştiş.

 

Serrnameyî de bigêre

« Çele 2022 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31