Walîyê Dîyarbekirî Munır Karaloglu : “Semedê ma Koma Îtfaîya cayêko girîng der o aye ra ma semedê xêzkerdişê Koma Îtfaîya çi destê ma ra yeno ma texsîr nêkenê.”
Serekîya Dayîreyê Îtfaîya ya Şaredarîya Bajarê Girdî ya Dîyarbekirî 6 heb wesayîtê neweyî erînay û hûmarê wesayîtan kerd zêde.
Merasîmê daşinasnayişê wesayîtan Şaxa Peyasî ya Îtfaîya de virazîya û Walîyê Dîyarbekirî Munır Karaloglu merasim de qalîkerd û vîr vîst ke Koma Îtfaîya ganî 365 roje 7/24 saet hadreyê wezîfeyî bo.
Karalogluyî kîfş kerd ke Îtfaîyaya ma semedê pawitişê can û malê şarî wezîfeyê xo bi hewayêko serkewte anê ca û aye ra ganî hetê wesayîtan zî ma desteg bide înan.
Karalogluyî vîr vîst ke mabênê serra 2021 de pê îmtîhanê KPSS 75 îtfaîyakarê neweyî bine banê şaredarî de girîyayo koma îtfaîya û Karalogluyî bade qalîkerdişê xo wina domna: “Ma xîret kenî ke îtfaîyakarê ma her tewrê afatan bimusê û bibên pîspor. Ma goreyê qabîlîyet û waştîşê înan zî perwerdeyê îlawe dane înan.”
“Wesayîtê neweyî goreyê îxtîyacîyê bajarî ma yê”
Karalogluyî da zanayene ke wesayîtê ke erînayo goreyê îxtîyacîyê bajarî ma yê.Karaloglu : “Şewatan di dergîyê nêrdiwanê wesayîtanê ma zaf kêm bî û tayê wesayîtê ma zî goreyê kuçeyê ma bi taybetî zî goreyê kuçeyêî Sûrî nêbî aye ra ma wesayîtanê neweyî zî gora ci erînay” vat.
Karalogluyî vîr vîst ke serra 2021 de welatê ma sey pandemî, şewat, zelzele, laser usb. xeylê zehmetîyan ont.
Karalogluyî bade qalîkerdişê xo wina domna : “Taybetmendîye ma yî en gird zî uyo ke hemwelatê ma hemverê probleman de yene têhet û yewbînî rê ardim kenî.Afatan ra dima semedê normalkerdişê cuya mintiqa afatan û hemwelatîyan zî çi deste m ara ame ma texsîr nêkerd.Ekîbê ma erdlerzê Izmırî de zî, şewatê daristanê Antalyayî de zî laserê Sînop, Kastamonu û Artvînî de zî cayê xo girewt û ardimê mintiqa afatan kerd.”
Karalogluyî da zanayene ke sey serra 2021 serra 2022 de zî armancê înan safîkerdişê probleme hemwelatê ma yî. “Serra 2022 de pê cîya-cîya projeyan ma do refah û huzurê hemwelatê xo zêde bikerî.Ez vernîyê şima de zî soz dana ke ez do seba bajarêko hîna weş û refah şewe û roje bixebita. “
Wesayîtan pê duayê îtfaîyakaran girîya xizmetê şarî
Wesayîtan pê duayê îtfaîyakaran teslîm girîya û îtfaîyakaran serra 2021 pê duayan padayî.
Serekîya Dayîreyê Îtfaîya ya Şareadrîya Girdî 3 wesayîtê honakerdişî, 2 heb 32 metreyin wesayîtê nêrdiwanin û 1 heb arasöze vayê teng pêroyî de 6 wesayîtê neweyî erînay.
Merasîm de Parlementera AK Partî Oya Eronat û SereKê Dayîreyê Îtfaîya Veysel Yıgıtî zî qalîkerdişêk viraşt.
Merasîm rê Walîyê Dîyarbekirî Munır Karaloglu, Parlementerê AK Partî Oya Eronat,Ebubekır Bal, Endamê MKYKyî Alattın parlak,Qeymeqamê Peyasî Unal Koç,Qeymeqamê Sûrî Abdullah Çıftçı û Şaredarê Baxlarî beşdar bîyî.