Serra 2021 de xizmetê Serekîya Dayîreyê Xizmetanê Bejayî ya Şaredarî

Şaredarîya Bajarê Girdî ya Dîyarbekirî, serra 2021 de semedo ke baajrê ma her het de aver şêro desteg dîya hemwelatê ma yê ke zîret û heywandarî kene.

Şareadrîya Girdî serra 2021 de zî xebata golekê zîret û heywanan, vilakerdişê şitil û leyekan, makînayê zîretî û averşîyayişê hingimênî û kurmê hevrîşime domna.

Serra 2021 fêkîyê biqafik

Walîyê Dîyarbekirî Munır Karaloglu serra 2021 sey serra Fêkîyê biqafik aşkera kerdbî û naye ser o bi şirikîya Serekîya Îdareyê GAPî û Midurîya Zîret û Daristanî semedê averşîyayişê fêkîyê biqafik xebatan virazîya.

Çarçiwa xebatan di şitilê vame, fistiq,goze ame vilakerdiş û 13 mîlyon lira mesref şî. Şaredarî seba na proje 5 mîlyon lira desteg da.

Proje de citkaran rê 203 hezar şitil, 89 ton toximê fîg vila kerd.

Aşleyê daran axpinê daran zêde beno

Serekîya Dayîreyê Xizmetanê Bejayî ya Şaredarîya Bajarê Girdî ya Dîyarbekirî semedê îstîhsalê fistiq, vame,goze û kestaneyan taxanê aşkera de daran aşle kerd.

Çarçiwa xebatan di ekîbê şaredarî serra 2021 de 38 hezar darî aşle kerd.

Destegê makînayê zîretî

Semedê asankerdişê kar û gurê citkaran û averşîyayişê ehywandarî 17 qeza de citkar û dewijan rê makînayê ditene şitî,piloznayişê engure, patene vame û kurna heywanan pêroyî de 145 makînayê zîretî vila kerd.

Golekê Heywanan

Ekîbê Serekîya Dayîreyê Xizmetanê Bejayî ya Şaredarî qezayê Baxlar, Bismıl, Çêrmug,Çinar,Gêl,Erxenî,Hezro,Peyas,Karaz,Pasûr,Sûr û Farqînî de 83 golekê kehen de xebata raştkerdişî qedînay û newera kerd xizmetê şarî.Sewbînan taxa Kuyu ya Çêrmugî, Taxa Karpuzlu ya Pasûrî,FarqÎn û Bismil de 6 golekê heywanan viraşt.

Ekîbê şaredarî qezayê Çêrmug,Şankûş, Pîran, Licê,Hênî,Pasûr,Hezro û Sûr û Farqînî de viraştişê 58 hewzê awedayişê zîretî ra 51 hebê înan qedînay û 7 ehban de zÎ xebatan dewom keno.

Şaredarî qeza û taxanê  Licê,Pasûr,Pîran,Çêrmûg,Şankuş û Surî de de pêroyî de 45 hezar û 540 metre borîyê awe vila kerd motajê nînan viraşt.

Semedê averşîyayişê heywandarî mintiqa Qerejdaxî de 37 yalak ame awankerdiş.

Semedê awa şimitişî yê heywanan cayanê aşkera de 10 ton qapasîteyin 12 heb depo ame awankerdiş.

Semedê pawitişê zebeşê Dîyarbekirî xebatan virazîya

Şaredarîya Girdî semedo ke zebeşê Dîyarbekirî xas bimano citkaran rê zibil û şitil vila kerd.

Kurme hevrîşimenî aver şino

Şaredarîya Girdî semedê îstîhsalkerdoxê kurmê hevrîşîmenan 15 hezar şitile tuyere vila kerd.

Îstîhsalê kurma hevrîşimenî se ra 62 bajarê ma de virazîyeno.

Piştî dîya hingdaran

Şaredarî semedê îxtîyacîyê hîngdaran 94 makînayê hingimenî vila kerd.Serranê 1400 ton hingimên yena îstîhsalkerdiş.