Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî çarçiwa “Planê Pawitişê Hewza Awbenda Dîcle”xebitnayişê teknayî ardûyê fosil qedexe kerd.

DÎSKÎ xebatanê “Planê Pawitişê Hewza Awbenda Dîcle” yo ke akademîsyenanê pîspor reyde hemparî bê mabên domneno.

DÎSKÎ semedo ke wa Awbenda Dîcle bipawe û verê leyminbîyayişê ci bigîre Gêl de kiriştişê teknayî ardûyê fosil qedînay.

Midurê Pêroyî yê DÎSKÎ Fırat Tutşı û Qeymeqomê Gêlî Idrıs Arslan xebatkarê teknayan reyde ameyî têhet.

Tutşı kîfş kerd ke pawitişê 1 mîlyon û 200 hezar hemwelatîyan her çi ra girîng o aye ra zî Gêl de kiriştişê teknayî ardûyê fosil ameyo qedexekerdiş.

“Ma hem wazeme awe bipawe hem zî wazeme turîzm aver şêro”

Tutşı da zanayene ke Awbenda Dîcle sey bibika çime bajarî ma ya aye ra pawitişê ci zî wezîfeyê ma yê hempar î û Tutşî bade qalîkerdişê xo wina domna: “Ganî kiriştişê teknayan pê enerjîya tije yan zî elektrikî biba. Kiriştişê teknayî ke pê ardûyê fosil xebetiyenî, zaf zirar dane Awbenda Dîcle aye ra ma ardûye fosÎl tîya de qedexe kerd. Pawitişê Awbenda Dîcle berpirsîyarîyêko ma yo hempar î. Ma heto bîn ra zî semedê averberdişê turîzmî wazeme ke awe bipawe, cayêko awe qilerin bo turîstan uca ziyaret nêkeno.”

Midurê Pêroyî yê Dîskî Fırat Tutşı û Qeymeqom Idrıs Arslan dazanayîşan ra dima semedo ke tekneyan mexebite mohr kerd.