Sporbazanê Şaredarî musabaqayo mîyanneteweyî de madalyaya zerd û tûnc girewt

Sporbazanê Şaredarîya Bajarê Girdî ya Dîyarbekirî, 6-9ê Temmuze Çanakkale de Musabaqayê Open Karate de madalyayî zerd û tûnc girewt.

Sporbazanê ke Mektebê Sporî ya Şaredarî de ameyê kîfşkerdiş û girîyayî Klûbê Sporî ya Şaredarî, her roje serkewtîşê newî gênê.

Musabaqayo Çanakkale de pê tewrê 1200 sporbazî 58 bajaran virazîya û Klûbê Sporî ya Şaredarîya Girdî zî pê 2 sporbazî tewrê musabaqayî bîyî. 

Muhammed Enes Kizil, kategorîyê Pîlan 67 kîlogram de madalyaya zerd, komıteyê cinîyan 55 kîlogram de zî Nazli Bozkurt madalyaya tûnc girewt.