Şaredarîya Amedî ya Şaristanê Girdî, bi amancê ke raywanîya mayanê ke şit danê û gedeyanê emrê 0-2 serrî de ke pê otobusî seyahat kenê, hîna biemnîyet, biresayîş û bikonfor bikera, Kargehanê Termînalî yê Mîyanê Bajaran ê Amedî (DÎŞTÎ) de "Cayê Destekî yê May û Pitikan" dekerd xizmet.

Merkezî de odaya lawnayîşê gedeyan, odaya vindertişê may û gedeyan û warê bedilnayîşê bezî est o.

Merkezo ke butçeya şaredarî reyde ney, pê piştîdayîşanê zerrîwazana xizmet dano, hetê xebatkaranê cinîyan ra yeno îdarekerdene.

Ney ra teber, pêmawitişê germîya pitikî, pêmawitişê tansîyonê maye, wexto ke lazim bo destekê makîneya buxarî û wexto ke hewce bibo mama û bezê gedeyan bi bêpere temîn benê. Şaredarîya ma, amanc kena ke dewreyê ameyoxî de goreyê hewceyîyan tatbîq vila bibo.