Şaredarîya Bajarê Girdî ya Dîyarbekirî taxê Bagur,Şîrînevler û Îstayonî yê qezaya Erxenî de problemê awa şimitişî safî kerd.

Şaredarîya Girdî semedo ke hemwelatîyan zehmetî nêancê hem merkeze bajarî de hem zî qezayon de xebata binawanî bê mabên domneno.

Midurîya Pêroyî yê Awe û Îdareyê Kanalîzasyonî ya Şaredarîya Girdî ( DÎSKÎ) qezaya Erxenî de şebekeye binawanî yê taxê Bagur, Şîrînevler û Îstasyonî yê ke nifusê înan pêroyÎ de 22 hezar û 356 yî, kerd newe.

Ekîbê şaredarî pê 420 metreyin borîyan probleme awa şimitişî safî kerd.

Midurê Dîskî Fırat Tutşı Qeymeqom û Serekwekîlê Şaredarîya erxenî Ahmet Karaaslanî reyde xebatan sehna û derheqê xebatan di agahî girewt.

Tutşî da zanayene ke Erxenî hetê ecê tarîxî cayêko giring der o.Tutşî kîfş kerd ke vere cû nê hîre taxî de problem estbi û xebatanê ekîbê Dîskî ra dima endî nê taxon awa şimitişî bê mabên bigîrê.

Tutşî da zanayene ke Dîskî de heqê 1 mîlyon û 783 hezar Dîyarbekirijan estê aye ra giranîyê xo danê xebata qeçax-windîyan.