Dîyarbekir de di sergi berê xo akerd hunerhesan

Qepsema Sezonê Kultur û Senetî ya Sezaî Karakoçî ya Şaredarîya Bajarê Girdî ya Dîyarbekirî de sergîyî “Di çemî mîyan de Dîyarbekir” û “Eşqê Kelamî Husn-î Xat” ameyî akerdiş.   

 Serekîya Dayîreyê Karanê Kultur û Sosyalî ya Şaredarî 6ê Sibate erdlerzo Mereşî ra dima newera Sezonê Kultur û Senetî ya Sezaî Karakoçî da dest pêkerdiş.

İna qepsem de sergîyê hunermend Buşra Yurtseverî ya “Di çemî mîyan de Dîyarbekir”   ke pê teknîkê cîya erjeyî Dîyarbekirî xêz kerda, Birca Bize de bere xo akerd hunerhesan.

Sergî de 36 berhem ca gêno û pê teknîkê cîya-cîya boyaxê têmîyan û teknîkê dîjîtal virazîyayo. Sergî heta 7ê Temmuze hemwelatîyan rê akerde yo.

Akerdîşê sergi pê tewrê Hetkarê WalÎ Omer Coşkun, Hetkarê Sekreterê Pêroyî yê Şaredarîya Bajarê Girdî ya Dîyarbekirî Veysel Kizilay, Serekê Dayîreyê Xizmetanê Kultur û Karanê Sosyal Mesut Tanrikulu, Serekê Dayîreyê Xizmetanê Ciwan û SporÎ ya Şaredarî Omer Bugday, Hunermend Buşra YurtsevenÎ û hunerhesan virazîya.

“Dîyarbekir muzeya akerde ya”

Hetkarê Sekreterê Pêroyî yê Şaredarîya Bajarê Girdî ya Dîyarbekirî Veysel Kizilay akerdsîşê sergi de qalî kerd û wina vat:”Dîyarbekir pê dewlemendî û                                                                                                                                                                  estena kulturî û cografyaya xo sey muzeya akerde ya. Ma zaf keyfweşî ke ma nê weşîya bajarî xo senetî reyde ard têhet.”

Hunermend Buşra Yurtsevenî zî da zanayene ke ameya DÎyarbekir û zaf mutesI^r bîya naye ra zî ina sergi viraşta.

Yurtsevenî kÎfş kerd ke berhemê ke sergi de ca gêno, pê cîya-cîya teknîk ameya viraştiş û dewamê qalîkerdişê xo de wina vat:

“Dîyarbekir pê Royê Firatî ya ke bi coş û Royê Dîcle yo narîn herikîyeno de bi bereket û medenîyetî mîyan de ameyo awankerdiş. Ez no sergÎ de tîya ra kewta ra rayê. Mi lebate kerd ke reng û vengê Dîyarbekirî motif û mîmarîyê ci bîyara hemwelatîyan ver. Ez hevî kena ke hemwelatîyan zÎ heyecanê ke mi gama ke ina sergi viraşt pare bikerê.”

Sergîyê “Eşqê Kelamî Husn-î Xat” Muzeya Şaristanî ya Qonaxa Cemîl Paşayî de

Hunermend Dîdem Gokhan sergîyê “Eşqê Kelamî Husn-î Xat”î yo ke pê teknîkanê modern senetê xetî şuxulyaya Muzeya Şaristanî ya Qonaca Cemîl Paşayî de bere xo akerd hunerhesan.

SergÎ heta 6ê Tebaxe akerde yo û akerdîşê sergîyî pê tewrê Hetkarê Sekreterê Şaredarîya Girdî Veysel Kızılay, Midurê Turîzm û Kulturî ya Şaristanî Cemîl Alp û Serekê Dayîreya Karanê Kultur û Sosyalî Mesut Tanrıkulu, Serekê Dayîreyê Xizmetanê Ciwan û Sporî Omer Bugday, Hunermend Dîdem Gokhanî û hunerhesan virazîya.

Hunermend Dîdem Gokhan derheqê sergi de wina vat:

“Mi hedef kerd ke wa hünere ke verê çînbîyayişê de yo geş bibo Û pê hewayêko modern ez bîyara hunerhesan ver.

Ez destegê Şareadrî ver spas kena. Ez hemwelatê ma dawet kena ke bêrên wa sergîyî ziyaret bikerê.”