Di çarçoveya xebatan de ku ji aliyê Serokatiya Saziya Park û Baxçeyan ve tên meşandin, sererastkirina refûj, peyarêk, xaçerêyan û sepanên qadên keskeşîn bi hev re berdewam dikin. Bi xebatên ku li ser xeta di navbera Xaçerêya Diclekentê û Bulvara Rihayê de tên kirin, qada heyî ji serî heta dawî tê nûkirin; di heman demê de sererastkirinên ku dê estetîka bajêr xurt bikin û konfora bikaranîna welatiyan zêde bikin, dixin meriyetê.

Refûj û qadên keskeşîn ji nû ve tên sererastkirin

Di çarçoveya xebatan de, li refûj û qadên keskeşîn dagirtina axa şitilan tê kirin û li dirêjahiya kolanê çandina daran û cûreyên cûda yên riwekan pêk tê. Ji bo misogerkirina domdariya tevna keskeşîn a ku hatî avakirin, pergalên avdanê yên modern tên sazkirin. Tîm, ji bo piştgirîkirina geşbûna saxlem a dar û riwekên ku hatine çandin, montaja xetên avdanê jî berdewam dikin.

Çêkirina 30 hezar metrekare peyarê

Bi armanca ku veguhastina peyayan bibe ewletir û konforî, li kêleka rêyan sepanên modern ên bordûrayan tên kirin. Bi taybetî di çarçoveya xebatan de ku li beşa di navbera Xaçerêya Bulvara Firatê û Xaçerêya Diclekentê de hatine xurtkirin, li ser qadeke nêzîkî 30 hezar metrekareyî çêkirina peyarêyan tê kirin.

Bi xêra peyarêyên nû, tê armanckirin ku hem ewlehiya peyayan zêde bibe hem jî welatî di jiyana rojane de bi awayekî rehettir tevbigerin. Bi bidawîbûna xebatan re, armanc ev e ku binesaziya veguhastinê ya li herêmê bibe birêkûpêktir û gihîştbar.

Kolanên ewletir û ronîdar

Şaredariya Bajarê Mezin, xebatên sererastkirina derdorê tenê bi qadên keskeşîn û çêkirina peyarêyan sînordar nake. Ji bo ku welatî karibin di saetên şevê de jî kolanê bi awayekî ewle bi kar bînin, li ser peyarêkan montaja pergalên ronîkirinê yên modern jî tê kirin.

Bi xebatên ronîkirinê re, tê armanckirin ku ewlehiya peyayan zêde bibe, qadên giştî bi awayekî çalaktir werin bikaranîn û dîmena şevê ya kolanê xurtir bibe.

Dê beşdariyê li estetîka bajêr bike

Şaredariya Bajarê Mezin a Amedê, bi xebatên sererastkirina derdorê û peyzajê yên ku li şahdamarên (arterên sereke) bajêr bi rê ve dibe, armanc dike ku hem estetîka bajêr xurt bike hem jî kalîteya jiyana welatiyan bilind bike. Bi temambûna xebatên ku li Kolana Necmettin Erbakan berdewam dikin, ev xet dê bigihîje dîmenekî bajêr ê kesktir, ewletir û nûjentir.

Şaredariya Bajarê Mezin, dê bi projeyên xwe yên sererastkirina derdorê, peyzaj û qadên keskeşîn, xebatên ku giramgiriyê didin tevna bajêr berdewam bike û pêşkêşkirina qadên jiyanê yên konforî, estetîk û lihevhatî bi xwezayê re ji bo welatiyan bidomîne.