Hemsereka Şaredarîya Bajarê Girdî ya Amedî Serra Bucak kombîyayişo ke bi tewrê endamê meclîsê cinîyan ya Şaredarîya Bajarê Girdî ya Amedî û qezayan de qalî kerd û da zanayene ke bi ronayişê meclîsê cinîyan xebatan di verênî bidîyo xebatanê cinîyan.

Endamê meclîsê cinîyan ya Şaredarîya Bajarê Girdî ya Amedî û hemserekê cinî yê qezayan bi Serekîya Hemserek Serra Bucakî ame têhet. Kombîyayiş Awanîya Şaredarîya Girdî de bi tewrê hemserekê qeza û endamê meclîsê cinîyan virazîya.

Hemserek Serra Bucak kombîyayiş de qalîkerdişêk viraşt û da zanayene ke pêro pîya weçînitişêko girîng vîyarnayî” Ma xeylê platform ser o îfade kerd la reyna zî destê heme embazanê ma ewilî zî embazanê cinîyan weş bê” vat.

“Verênîye ma xebatanê cinîyan ê”

Bucak da zanayene ke xebat û xizmetanê şaredarî herkesi eleqeder kenî û meclîsê cinîyan ke bêra ronayiş do panc serrî mîyan de bi xebatanê xo tesîrê meclîsê têmîyan bikero.Bucak bi taybetî zî warê cinîyan de ewilî Serekîya Dayîreyê Kulturî, midurî û şaredarî ser o meclîsê cinîyan bêra ronayiş û no meclis beşê cinîyanê şaredarîyê qezayan û midurîyê qeleqeder reyde bi şirikî bixebitê, Bucak kîfş kerd ke verênîye înan xebatanê cinîyan ê.”