Print this page

Şaredarî kursê ciewnîyayîşê nêweş û kokiman akerd

Şaredarîya Bajarê Girdî ya Dîyarbekirî semedo ke merdimanê tecrubeyînan biresno û înan bikero wayîrê karî bê mabên xebatanê xo domneno.Şaredarî na rey zî semedê ciewnîyayîşê nêweş û kokiman kursêko pê sertîfîkayin akeno.Kurs 17ê Tebaxe de dest pêkeno

Serekîya Dayîreyê Xizmetanê Sosyal ya Şaredarîya Bajarê Girdî ya Dîyarbekirî semedo ke merdimanê tecrubeyînan biresno û înan bikero wayîrê karî bê mabên xebetiyenî. Şaredarî pê hemkarîya ÎŞKURî Beşê Kokiman ya Cuya Muşterek ya Sumerparqî de bi sertîfîkayin kursê ciewnîyayîşê nêweş û kokiman akeno.

Kursan ra camerdanê ke emre înan 17-40 eşkenê feyde bigîrê û eke camerdan kursê xo bi serkewte qedîna, sertîfîkaya ke hetê Wezaretê Perwerdeyî yê Mîllî (MEB) ra testîqkerdî ya dîyena înan.Hetê perwerdekaran hem teorik hem zî pratik tendûrîstîyê kokim û nêweşan ra bigîrê heta piştgirîyê psikolojik heme babetan di perwerde bêra dayiş.

Hemwelatîyan eşkenê mabênê 17-20ê Tebaxe de Beşê Kokiman ya Cuya Muşterek ya Sumerparqî de qeydê xo bivirazê.Hemwelatîyan eşkenê derheqê kursê de 0412 226 69 08 (Daxîlî 5656) ser o heme agahîyan bigîrê.