DÎSKÎ: Çopanê xo meerzênê mazgalan

Mudirîya Pêroyî ya DÎSKÎ ya Şaredarîya Bajarê Girdî ya Dîyarbekirî  xebata arêdayişê çopê ke erzîyenê mîyanê mazgal û kanalîzasyonan viraşt û pêroyî de 2 ton çop ame arêdayiş.

Ekîbê Mudirîya Pêroyî ya DÎSKÎ ya Şaredarîya Bajarê Girdî ya Dîyarbekirî semedê çopanê ke erzîyenê mîyanê kanal û mazgalan pak bikero qezaya Sûrî de xebatêk da dest pêkerdiş. Pêroyî de xebat 3 rojî dewom bikero. Midurê Pêroyî ya DÎSKÎ Fırat Tutşı û hetkarê ey Şelçuk Gorduk xebatanê pakkerdişê mazgal û kanalan ca de sehna.

Çopanê xo meerzenê mazgal û kanalan

Tutşı derheqê xebatan di agahî daye û wina vat: “Ma semedo ke problemê binawanîye çareser bikerê şewe û roje bi fedakarî xebetiyenî. Semedo ke tay kesî çopanê xo erzenê mîyanê kanalan û mazgalan awe ser de şina. Rîyê nê çîyan ra timûtim kanalîzasyonî xetimîyenê û awe ser de şina. Kanalîzasyono ke rîyê nê çîyan ra ser de şino zî zerarêko pîl dano weşîya şarî. Ma hemawelatîyanê xo ra wazenê wa dîqet bikerê. Eke kesê ke ame vînayîş wina kenê zî îqaz bikerê.