DÎSKÎ verê şuxulnayişê awa qeçax birna

Şaredarîya Bajarê Girdî ya Dîyarbekirî qezaya Çinarî de hemwelatê ke xeta awa şimitişî ra pê hewayêko qaçax awe ontbî hegaye xo, pê sîstemê SCADA ( Sîstemê  Teftîş û Kontrolkerdişî Verîyan ) ame tespîtkerdiş .

Ekîbê Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî ( DÎSKÎ ) 23ê Nîsane de duştê awa şimitişî de problemêk ferq kerd û aye ser o ekîban pê sîstemê SCADA 5 roje awwe wekenit û kîfş kerd ke mabenê saetê 01.00-06.00 de duştê awe zaf kêm beno.

2ê Gulane saetê 12.00 şewe de ame kîfşkerdiş ke xeta awe ra awe yeno girewtene û ekîban ca de xeber daye cendermeyan.

110 donim erd pê awa şimitişî ameyo awedayiş

Cendermeyan gerreyê ekîban ser o sehna ke hemwelatêk ( S.D ) xeta awa şimitişî rap ê hewayêko qeçax awe semedê awe dayişê hegayê xo kar ardo.

Ekîbê DÎSKÎ derheqê o kesî de gerreyê xo kerd û goreyê mewzuatî ey rê ceza bêro birnayene.

“Ma ganî qîymetê awe bizanê”

Midurê Pêroyî ya DÎSKÎ M. Fırat Tutşı waşt wa ganî ma qîymetê awe bizanê. Badê Tutşı qalîkerdişê xo wina domna: “Merkez û qezayanê ma de probleme awe çina. Tayînê hemwelatê ma yê bêhîstenik awa şimitişî her erd û hegayanê xo de kar ano û hemwelatê ma aye ser o probleme awe oncenê. Ma do kesê ke awe bê şimitişî kar ano tespit bikerô goreyê mewzuatî ceza bibirno înan. Ma ganî qîymetê awe bizanê. Awe îsraf mekerên.”