Şaredarî Erxenî de depoyê awe ya 500 ton qapasîteyin kerd xizmetê şarî

Şaredarîya Bajarê Girdî ya Dîyarbekirî qezaya Erxenî de 500 ton qapasîteyin depoyê awe temîr kerd û kerd xizmetê şarî.

Midurîyê Pêroyî ya Awe û Îdareyê Kanalîzasyonî ya Şareadrîya Girdî (DÎSKÎ) wa semedo ke awa biqalîteyin biresno şarî hetêk ra merkeze bajarî de hetêk ra zî qezayan di xebatanê xo bê mabên domneno.

Şaredarîya Erxenî serra 2009 de taxa Çıftpinar de 500 ton qapasîteyin depoyê awe awankerdbî û badê nêkewtbi xizmet û ekîbê şareadrî depoyê awe de xebata pînekerdişî viraşt û netîceyê xebatan di depoyê awe dekewt xizmetê şarî.

Midurê Pêroyî ya DÎSKÎ M. Fırat Tutşı xebatan ca de sehna û derheqê xebatan di agahî girewt û wina vat : “Destpêkî ina depoyî ra dima ma do demêko kilm de xeta şebekeye awa şimitişî bivirazê û wesîleya ci zî endî ma do xizmetêko Hîna weş bideme qezayê Fatîh,Saray,Kemertaş,Kemalîye,Şîrînevler û Banê Garajî.