Walî Karaloglu bingehê 10 projeyê neweyî eşt

 

Semedê 10 projeyê sey Baxçeyê Şarî, Terasê Fîskaya, Banê Zanayişî, Bazaro Semtî ya Sergirotî û Hewzê Zîretî yo ke pê 65 mîlyon 258 hezar û 581 lîra sermayegozarî hetê Şaredarîya Girdî yene viraştiş, merasîmê eştişê bingehê pojeyan virazÎya.

Walî Karaloglu: “Ma pê sermayegozarîyê binawanî  bajarî xo kenê mîyanê bajaranê ke tewr sermayegozarî yenê viraştiş.Endî gereke şima nê xizmetan bivînê. Eke şima nêeşkenê bivînê o waxt fek ma verade.”

“40 serrîyê na bajarî ameyo tirawitiş aye ra heqê înan çinî ke xebatanê ma ser o qal bikerê. Sî mekerên ma çîyêkê bîn nêwazenê.”

Walîyê Dîyarbekirî Munır Karaloglu, bingehê 10 projeyê sey Baxçeyê Şarî, Terasê Fîskaya, Banê Zanayişî, Bazaro Semtî ya Sergirotî û Hewzê Zîretî yo ke pê 65 mîlyon 258 hezar û 581 lîra sermayegozarî hetê Şaredarîya Girdî yenê viraştene ,eşt.

Merasîmê ke qezaya Sûrî taxa Çarixli de ame serrast kerdiş de Walî Munır Karaloglu qaLîkerdişêke viraşt û da zanayene ke semedê averşîyayişê  Dîyarbekiro ke 12 hezar serrî de yo û erjeyê 33 medenîyetî reyde têmîyan o, newba xizmetê înan de yê.

Karalogluyî bal ont ke  pê talîmatê Serekkomar Recep tayyîp Erdoganî, piştîdayişê wezîran û pê duayanê şarê Dîyarbekirî semedê averberdişê bajarî ma  şewe û roje xebetiyenî.

Walî Karaloglu qalîkerdişê xo de vîr vîst ke 9ê Temmuze de pê tewrê Serekkomar recep Tayyıp Erdoganî akerdişê 2 mîlyar 500 mîlyon lîrayin sermayegozarî ameybi viraştiş.

Karaloglu pêro sermayegozarîyan yew bi yew da fehmkerdiş

Karalogluyî da zanayne ke cîya-cîya qezayan d tayê sermayegozarîyan dest pêkerdo û bi waştîşê hemwelatîyan ser o Rayê Merdînî ya Kehen de xebatan dest pêkerdo.

Karalogluyî wina vat :” Se ke Rayê Merdînî ya Kehen yeno zanayiş Rayê Merdînî ya newe ra hetanî Pirda Bagivarî ma sey rayê cîyakerde îhale kerd. Ma do nika bingehê pirda ke mintiqa Çarixli de bêro viraştiş, bierzê. Ma pird sey rayê şîyayiş û amayişî kene di pird. Na rayîr ra dima inşallah hem rayê Merdînî ya newe hem zî rayê Merdînî ya kehen biba warê sermayegozarîya newe.”

Karalogluyî aşkera kerd ke mabênê sermayegozarîyan de Cadeyê Îstasyonî ya Bismîlî zî esto û Midurîya Mintiqa Rayîroşîya xebata rayê BimîLî domenno.

Karalogluy3ı bade qalîkerdişê xo wina domna: “Înşallah pê newekerdişê Cadeyê Îstasyonî Bismîl hîna weş biasIyo. Qezaya Bismîlî de hetêk ra zÎ xebata binawanÎ dewom keno. Pa xebata elektrîk,doğalgaz emser zî xebata kanalizasyon û awa şimitişî yene viraştiş. Ma demêko Nêzdî de îhaleyê papûrê Bismilî zî bivirazê.”

Karaloglu aşkera kerd ke  Pîran û hezro de Baxçeyê Şarî, Bismîl de newekerdişê parke kehen, û qezaya Peyasî kişta 500 Evler de zî parkêko newe bêrê awankerdiş û qezaya Hênî de zî xebata roşnîkerdişê cadeyan bêro viraştiş.

Karalogluyî ard virî ke Fîskaya de xebata îstîmlakkerdişî dewom kneo û bade derheqê xebatan di wina vat : “Ma do fîskaya de xebatanê îstîmlakkerdişî ra dima cayanê veng pak kerî û biçarnê sey cayê zergûnî. Nika Fîskaya de xebata îstîmlakkerdişî û hemwelatîyan reyde yewbînî helalkerdişî dewom keno.”

Karalogluyî vîr vîst ke Çirra Fîskaya netîceyê xebatn ser o newera çirreno û no mintiqa de semedo ke hemwelatîyan demêko weş biveynê teras de xebata newekerdişî dîya destpêkerdiş.

“Hemwelatîyan Çirra Fîskayayî ser hem eşkerê Warê Dîcle hem zî Baxçeyê Hewselî temaşe bikerê. Wa semedo ke hemwelatîyan keyeyanê xo reyde demêko weş biveynê ma uca de teras awan kenî. Teras semedê turîzmê bajarî ma gamêko gird o. Merdiman teyna şimitişê çay û kehweyêke bêrî tîya.”

Dîyarbekir nimuneye şaredartîya sosyal o

Karalogluyî bal ont ke Dîyarbekir de bazaro semtî ya sergirotî ç^no û aye ra xebatan dîya dest pêkerdiş ke qezaya Baxlarî de bazaro semtî bivirazên.

Karalogluyî da zanayene ke çarçiwa sermayegozarîyan de semedê wendekarê  mektebo mîyanên û veren awankerdişê Banê Zanayişî ya Alî Emîrî dest pê kerdo û “Ma demêke xebatanê bajarvanî kenê hetêk ra zî semede cinî, pîl, astengdar û gedeyanê xo xebatanê sosyal zî virazenê. Ewro Dîyarbekir nimuneyê şaredartîya sosyal o.

Bingehê 55 hewzê awedayişî erzîya

Karalogluyî da zanayene ke qezaya PasÛr, Çêrmûg, Şankuş,Pîran, Hênî û Hezroyî de bingehê 55 hewze awedayişî erzîyayo  û bi wesÎleya ci hedef keno ke kar û güre hemwlaîyan asan bikerê.

Karalogluyî wina vat : “Kesê ke 20, 30 serrîyê ina bajarî tirawit xizmetê ma rê vanê fabrîqayan bivirazî, ina bajar de bêkarî esta. Şima teyna rayîr û kuçe virazenê. Dîyarbekirijê delalî şima qed vînayî ke sermayegozaran bajarêko bê rayîr, merkeze lojîstîkî yan zî kanalîzasyonî rê sermayegozarî kerdo.

Karalogluyî îzeh kerd ke goreyê cigêrayişê Wezaretê Sanayî û Teknolojîyî emser sermayegozarîyan se ra 53 Estanbol, Bursa, tekırdag, Kocaelı û Sakaryayî rê ameyo viraştiş. Karalogluyî . Şima zanî çi ra ? Çimkî binawanÎyê nê bajaran zaf Xêzdar ê. Ma pê nê sermayegozarîyan berê sermayegozarîyê binan akenê. Ma semede averberdişê îstîxdamê ina bajarî zî zaf xebetiyenî” vat.

 Karalogluyî za zanayene ke projeyê binawanî ya Mintiqa Sanayî Yê Qerejdaxî yo ke qedîya emser îhale bikerê û Karalogluyî qalîekrdişê xo wina qedînay: “Kesê ke 40 serrî yê ina bajarîw erdo nêeşkenê xizmetê ma rê qesey bikerê. Înşallah ewilî Pê îzna Homayî bade pê piştîdayişê Serekkomar recep Tayyîp Erdogan û wezîranê m ama do heme probleme bajarî xo safî bikerê. Ma teyna şarî ra wazenê ke nê berhemê xo bipawê û biresnê ajê binan.”

Karaloglu bade gedeyan reyde bingehê projeyan eşt.

Merasîm  rê Walîyê Dîyarbekirî Munır Karaloglu, Parlementerê AK Partîyê Ebubekır Bal, Endamê MKYKyî Alaattın Parlak, Serekê Ak Partîyê Bajar^Mehmet Şerı Aydın, Qeymeqam û Serekwekîlê Şaredarîya Sûrî Abdullah Çıftçı, Şaredarê Baxlarî Huseyın Beyoglu, Qeymeqam û Serekwekîlê Şaredarîya Yenîşehrî  Murat Beşıkçı, Qeymeqam û Serekwekîlê Şaredarîya Peyasî Unal Koç, Şaredarê Hênî Ibrahım Lale, Şaredarê Pîranî Felat AYgoren û hemwelatÎyan beşdar bîyî.