Cayê boyaxkeranê verê Camîya Nebî yeno newekerdiş

Şaredarîya Bajarê Girdî ya Dîyarbekirî semedê boyaxkeranê ke bi serreyan verê Camîya Nebî de xebetiyenî hîna cayêko weş û pak de bixebitê pê hawayêko camî rê mebo asteng cayêko newe virazeno.

Qezaya Sûrî verê Camîya Nebî de nêzdîyê 60 serreyan cekalcî û boyaxkeran xebetiyenî û şaredarî semedo ke cayê xebitnayişê înan hîna weş û pak bikero dest pê xebatan kerd.

Serekîya Dayîreyê Karanê Fenî ya Şareadrîya Girdî çarçiwa xebatan di semedo ke esnafan hewayî şilî de zî bipawo cayêko newe ronê.

Her teqsîm de nameyê esnafan bêrê nuştiş

Ekîbê şaredarî do dekewtişê camî ra hetê vakurî de 10, hetê başûrî de zî goreyê 11 kesan 1.30 metreyî rê 1 metre cayêko newe ronê.

Ekîbê şaredarî semedo ke asayişê camî ya tarîxin rê asteng mebo awankerdişê îskeletê bingehî ra dima kaleke û peynîyê bingehî rê cam ci kerî.

Qedîyayişê xebatan ra dima hetê  Serekîya Dayîreyê Karanê Fenî ya Şaredarî tabelayê ke nameyê esnafan ser o nusîyayo bêrê aliqnayiş.