Rojnemeya “Kerem ke” yo ke têde xizmet û sermayegozarîyê Şaredarîya Bajarê Girdî ya Dîyarbekirî ca gêno, pê hûmara newe ya 4ine vejîya.

Şareadrîya Bajarê Girdî ya Dîyarbekirî xizmetanê spor,perwerde,turîzm,senet û kulturî û sermayegozarîyê serawanî û binawanî biresnê heme hemwelatîyan her aşme Rojnameya “Kerem ke” çap keno. Rojnameya”  Kerem ke “ pê humara newe vejîya.

Dîyarbekirijan rojnameya “Kerem ke” rê hem eşkenê pê hewayo dîjîtal sîteyê webî ya şaredarî ser o biresê hem zî wesayîtê komresî,Avm,muze,merkeze ciwanan û kiratxaneyê şarî de biwanê.

Sewbînan rojnemeya “Kerem ke” cade û kuçeyanê qelebalix de zî hetê xebatkarê şaredarî bêro vilakerdiş û biresê hemwelatîyan.

Walîyê DÎyarbekirî Munır Karaloglu seba rojnameya “Kerem ke” pê nameye “Bajaro ke her dem ciwan bimano” nuşteyêk weşana û vîr vîst ke 16 aşmî yo ke raywanîyê xizmetê ina bajarî şewe û roje domneno.

“Ma bê dudilî kewtê ra rayê”

Karalogluyî îzeh kerd ke zaf het de xizmetan virazîyeno û “Ma semedê awankerdişê sibaroja ina bajaro pîroz û qedîm  bê dudilî kewtê ra rayê”vat. Karalogluyî da zanayene ke xebatan dewom keno Û bade wina vat : “Merkezê bajarê ma ra hetanî dew û taxanê bêja ma rayîran virazenê,rayê neweyî akenê û park û baxçeyan awan kenê.”

Karalogluyî kîfş kerd ke hetêk ra xizn yene viraştiş heto bin ra zî weleyê ke kewto ina bajarî ser wedarnenê û bade wina vat : “Ma dorûverê Kelaya Dîyarbekirî ekrd pak û bade ma xebata restorayonî da destpêkerdiş. “

“Bajarê ma yo qedîm ke her dem ciwan bimano”

Karalogluyî qalîkerdişê xo wina qedînay : “Ma şewe û roje hem sibaroja baarê xo hem sibaroja ciwananê xo hem zî xo bi xo awan bikerê. Homa eşqê zerrîya ma zêde bikero. Kedê ke ma wenî veng ra meşo. Homa ma rê qismet bikero ke ma ina bajarê gulan biekrê gulîstan. Ez bawera ke eke ma ked biwerê sibaroj û xowê ciwanê ma zî bibo roşnî. Bajarê ma yo qedîm ke her dem ciwan bimano”