Dîskî butçeyê xo sermayegozarî de şuxulneno

Midurê Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ)  Fırat Tutşı qezaya Farqînî de goşdarîya waştîş û problemê muxtaran kerd.

Tutşı : “Dîskî emser hemeyê butçeyê xo yo 552 mîlyon lira seba sermayegozarî şuxulna.”

Midurê Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ) wa semedo ke xizmetêko hîna weş biresne qezayon de muxtaran reyde têhet amayişê xo domneno.

Midurê pêroyî yê Dîskî Fırat Tutşı semedo ke goşdarîya waştîş û probleman bikero  û safî bikero qezaya Farqînî de muxtaran reyde ame têhet.

Tutşî uca de qalîkerdişêk viraşt û da zanayene ke Dîskî 15 hezar û 272 kîlometrekare ca de bi 277 xebatkarî xizmetê şarî de yo.

Tutşî îzeh kerd ke kêmasîyê bajarî pê nîyetêko weş bêra safîkerdiş û ina xebatan di waştîşê muxtaran zî sey rayber bibo.

Hetanî serra 2050 problemê awa şimitişî ameya safîkerdiş

Tutşı da zanayene ke semedo ke awa h3ına weş û qaLîteyin birese hemwelatîyan xebetiyenê û bade wina vat : “Semedo ke hetanî serra 2050 problemê awa şimitişî ya merkeze bajarî safî bikeme ma  Awbenda DÎcle de dest pê Projeya Merhaleyê 2yîn kerdê. Ma netîceyê xebatan qezaya FarqînÎ de zî hetanî serra 2045 problemê awa şimitişî safî kerd. Dîskî bütçeye xo yo 552 mîlyon lira hemeyê bajarî de seba sermayegozarî şuxulna.”

Tutşı semedê şuxulnayişê awa qeçax zî veng da û waşt wa hemwelatîyan heqê yewbînî mewerê.

Binawanîyê Farqînî rê çare

Tutşı mijdan daye ke qezaya Farqînî de semedê çareserkerdişê binawanî xebatan bêra destpêkerdiş û qalîkerdişê xo wina qedînay : Ma seba safîkerdişê binawanîyê Farqînî projeyi xo qedînay.Eke fînasman bêra vînayiş Tesîsê awa eşte bêra awankerdiş û bi wesîleya ci problemê binawanî bin ra bêra safîkerdiş.

Kombîyayiş rê Qeymeqomê Farqînî û Serekwekîlê Şaredarîya Farqînî Murat Ozturk, midurê sazgehan û muxtaron beşdar bîyî.

Serrnameyî de bigêre

« Gulane 2022 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31