Walî Karaloglu : “Sibaroja hemwelatê astengdarî hîna weştir bo”

Şaredarîya Bajarê Girdî ya Dîyarbekirî bi wesîleya 3ê Kanûne Roja Astengdaranê Cîhane de çalakîyêk serrast kerd.

Şareadrîya Girdî çarçiwa 3ê Kanûne Roja Astengdaranê Cîhane de werde serrast kerd.

Çalakî pê mojnayişê Ekîbê Folklorî ya Komela Beyaz Ayî yê Astengdaran dest pê kerd. Badê Wendekara Merkezê Cuya Aktîf Şevval Ussun şîîrê bi nameye “UMUT” ya Edîp Canseverî vat.

Walîyê Dîyarbekirî Munır Karaloglu werd de qalîkerd û da zanayene ke semedo ke astengdaran reyde bêro têhet ne çalaki serrast kerdo û îzeh kerd ke Serekkomar Recep Tayyıp Erdogan,hikumet, Wezaretê Keye û Xizmetanê Sosyal û sazgehan semedê safîkerdişê probleme astengdaran xebatanê zaf giring kenî.

Walî Karaloglu kîfş kerd ke Walîtîya Dîyarbekirî, Şareadrîya Girdî û Şaredarîye Qezayon pêro pîya semedê asankerdişê cuya hemwelatîyanê asteng xebetiyenî û  badê wina vat : “Înşallah ewro ra dima zî semedê hemwelatê astengdarî xebat û falîyetê ma dewom bikero. Hetanî ke ma biresê heme astengdaran xebatanê ma do dewom bikero.”

Ma seba asankerdişê cuya dayîkan Banê Mabeynan awan kerd”

Karalogluyî da zanayene ke semedo ke dayîkan gedeyanê xo yê astengdaran reyde wextê xo hîna weş biveynê û piştî bide averşîyayişê înan û baverîyê xo bi xo bizêdno Şareadrîya Girdî  Banê Mabeynan qezayê Peyas û Yenîşehrî de yene awankerdiş.

Karalogluyî kîfş kerd ke seba asankerdişê cuya dayîkan Banê Mabeynan awan kenî û Karalogluyî qalîkerdişê xo wina domna : “Dayîkanê ke wayîrê astengdaran ê saya Banê Mabeynan şêno kar û güre xo rehetî bivirazê. Ma do hetêk ra zî tîya de rehabîlîtekerdişê astengdarê xo bidomnê. Xebate ma seba astengdaran aseno la zafêrê xebatê ma seba asankerdişê cuya dayîkanê astengdaran ê.”

Karalogluyî mijdan da ke Banê Mabeynan demêko kilm de bêra kerdiş.

Karalogluyî qalîkerdişê xo wina qedînay: “Ma belkia nika asteng nîyê la ma endamê astemgîye yî aye ra ma çîyê muhîm astengê bedenî nîyê eke zereyê şima de astengî çina problem zî çina. Homa qismetê herkesi bikero ke astengê vîrê xo wedarî.Înşalla sibaroja hemwelatê astengdarî ewro ra weştir bo.”

Çalakî de Serekê Dayîreyê Xizmetanê Sosyal Hayrullah Akyıldız, Serekê Alti Nuqte Astengê Çiman  Mehemt Karakaşî zî qalîkerdişêk viraşt.