Midurîya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ), sesera 21. serra 2021 de dabî zanayene ke 21 projeyê girîng bêra viraştiş û 12 hebê înan qedîya.

Midurîya Pêroyî ya DÎSKÎ semedê safîkerdişê problemê binawanîyê merkezê bajarî û 13 qeza xebatanê xo domneno.Ekîbê Dîskî çarçiwa xebatan di 37 dewe demontajê 30 heb pompa, 25 xetê neqlkerdişê enerjî viraşt.

Ekîbê şaredarî semedo îxtîyacîyê awa şimitişî biveynê qezaya peyasî Cadeyê Abdulkadır Aksu rê 1.1 km, Bulvarê Necmettın Erbakanî rê 1.1 km, Mintiqa Memursen û Girtîgehê Tîpê D rê 8.3 km, qezaya yenîşehrî Bulvarê Şêx Seîdî rê 3.2 km pêroyî de 15 km xetê awa şimitişî viraşt.

Xebata binawanî ya dewa Karpuzlu qedîya

Dîskî çarçiwa xebatan di qezaya Sûrî dewa Karpuzlu de 5.5 kîlometre xetê kanalîzasyonî qedînay.

DÎSKÎ semedê binawanîyêko hîna zexm, ke cayanê ke newe îlaweyê bajarî bîyî de de 8.4 kîlometre xetê kanalîzasyonî viraşt.

Çarçiwa proje de qezaya Peyasî Cadeyê Meytî Dono de 1.8 km, Bulvarê Necmettın Erbakan û Rojavayî de 3 km, Cadeyê Abdulkadır Aksuyî de 337 metre, mabênê rayîrê Leyla Qasim-Rayê Rîha de 343 metre, mabênê rayê Talaytepe-Leyla Qasimî de 556 metre,qezaya Yenîşehrî  dewa Azîzîye de 893 metre, Bulvarê Şêx Seîdî de 1.3 km xetê kanalîzasyonî virazîya.

Depoyî de xebata pînekerdişî virazîya

Midurîya DÎSKÎ depoyî de xebata pînekerdişî viraşt û çarçiwa proje de 40 depoyê awe de xebata pînekerdişî û 21 binyatê terfi viraşt.

Bismıl de xebata xetê awe ame newekerdiş

Ekîbê Dîskî çarçiwa xebatan di qezaya Bismılî de 6.7 kîlometre borî û 4.5 kîlometre xetê girêdayişî qedînay.

Merkezê Teftî ame newekerdiş

Dîskî semedo ke vere vinî û qeçaxan bigîrê qezaya Peyasî taxa Mezopotamya de Merkezê Terfî ya ke 15 hezar metrekup qapasîteyin a newe kerd û akerd xizmetê şarî.

28 taxî de sondaj ame akerdiş

DÎSKÎ semedo ke qeza û dewan de problemê awe safî bikero 13 qeza de 28 taxî de sondajê awe akerd.

40 taxî de 104 km şebekeye awa şimitişî

Midurîya Pêroyî ya DÎSKÎ, qepsema projeye awa şimitişî de 40 dewê  qezayê Hezro,Çinar,Pasur,Bismıl,Çêrmug,Şankûş,Erxenî,Pîran,Baxlar,Peyas û Surî de 104 kîlometre şebekeye awa şimitişî ravist û 24 depo awan kerd.

Problemê taxa Haydano corîn ame safîkerdiş

Çarçiwa viraştişê xetê kanalîzayonî de taxa Haydano Corîn de 5 kîlometre xetê kanalîzasyonî viraşt û probleme kanalîzasyonî safî kerd.

Merkezê bajarî rê 4.3 km şebekeye awa şilîye

Midurîya Pêroyî ya Dîskî semedê safîkerdişê problemê binawanî qezayê Peyas û Yenîşehrî de şebekeyê awa şilîye qedînay.

Çarçiwa xebate de 4.3 kîlometre awa şilîye virazîya.

Şebekyê awa şimitişî û kanalîzasyonî ya Banê Afatî virazîya

Dîskî Banê Afatî yê qezayê Peyas, Lice û Pasurî de 3.3 kîlometre kanalizasyon,3.8 kîlometre awa şimitişî û 200 metre bire sondajî akerd û xebata awa şimitişî û kanalîzasyonî qedînay.

DÎSKÎ 9 proje de zî xebatanê xo domneno

Çarçiwa projeyê serra 2021 de DÎSKÎ 21 proje hedef kerdbi û 12 projeyê nînan qedînay û 9 proje de zî xebatanê xo bê mabên domneno.