Wesayîtê servîsan yenê teftîşkerdiş

 Ekîbanê Zabitayan yê Şaredarîya Bajarê Girdî ya Dîyarbekirî,servîsê ke şinê mekteb û kargehan teftiş keno.

Mudirîya Beşê Trafîkî ya ke girêdayîya Şaredarîya Bajarê Girdî ya Dîyarbekirî ya û Serekîya Dayîreyê Zabitayan ser o xebate kena mîyanê bajarî de teftîşanê xo domnena.

Serekîya Dayîreyê Zabita ya Şaredarîya Girdî, ekîbê Midurîya Trafîkî reyde wesayîtê servîsan teftiş kerd û ramitoxê ke goreyê qaydeyan hereket nêkenê rê ceza birna.

 Ekîban 3 servîsê ke goreyê qaydeyan hereket nêkenê û belgeye kiriştişê raywanan çinbî, trafîkî ra men kerd.

5 wesayîtî ke kêmanîyê înan estbî û vejîyaybî teberê qaydeyan rê zî ceza birîya. Semedo ke wa servîsî goreyê qaydeyan hereket bikerê xebatê teftîşkerdişî dewam kenê.

Serrnameyî de bigêre

« Teşrîne 2022 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31