Her serre hetê Tîyatroyê Bajarî ya Şaredarîya Bajarê Girdî ya Dîyarbekirî mabênê lîseyan de şayîya tîyatro yena viraştiş. Emser zî muracatê şayîya tîyatro ya reya 15ine dest pê keno.

Serekîya Dayîreyê Karanê Sosyal û Kulturî ya Şaredarî semedo ke ciwanî teşwîkê tîyatro bikerê û qabîlîyetê înan bivejê werte mabênê lîseyan de reya 15ine şayîya tîyatro serrast kena.

Mektebanê ke hem teberê bajarî de ca Gênê hem zî merkeze bajarî de ca Gênê eşkenê muraacatê şayîyî bikerê.

Seba muracat tarîxo peyên 1ê Nîsane yo

Grubê tîyatroyê lîseyan ke wazenê tewrê şayîyî bibên ganî derheqê grûbanê xo de agahîyan  hetanî 1ê Nîsane  edresê  dbbkultursanat@gmail.com rê bierşawe.

Derhênera Senetî ya DTBŞyî Handan Ekıcıyî da zanayene ke semedo ke ciwananê lîseyî de wanenê bîyarê têhet ina şayî virazîyeno û bade qalîekrdişê xo wina domna: Tîyatre wayîrê xezê  yewbîyayîşî, xo bi xo naskerdişî,kîfşkerdişê cîyayî û eynîbîyayişî û hîstenîkîye yo.Ciwananê ke tîyatro reyde eleqeder benê do ferasetê cîya-cîyayayan û perskerdişî bimuse.”