Print this page

Xebata Planê Pawitişê Awbenda Dîcle xebatan dewom kenî

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî (DÎSKÎ), çarçiwa “Planê Pawitişê Hewzaya Awbenda Dîcle” de xebatanê xo domneno.

Semedê pawitişê bibika Dîyarbekirî Awbenda Dîcle leze dîya xebatanê Planê Pawitişê Hewzaya Awbenda Dîcle

Midurê Pêroyî yê DÎSKÎ Fırat Tutşı kîfş kerd ke ina xebat semedê sibaroje Dîyarbekirî cayêko girîng der o û xebatan serra 2021 aşma Temmuze de dest pê kerdo û yena hedefkerdiş ke mabênê 550 rojan de biqedînê. Tutşı xebatanê proje ca de sehna û derheqê xebatan di agahî girewt.

Tutşı kombîyayiş da zanayene ke nê serranê peyênan de hewayî vurîyenê aye ra awe cuya ma de cayêko hîna girîng gêno û çimeyê bin û ser erdî yê awe zî bêpeynî nîyê û awa pak roj bi roj kêm beno û resê awa pak zî hîna çetin beno.

Tutşı vîr vîst ke semedê pawitişê Awbenda Hewzaya Dîcle xebatanê tekneyê ardûyê fosil ameyo vindarnayiş.

“Ma saya ina xebate hem weşîya hemwelatê xo hem zî sibaroja turîzmî pawenê”

Tutşı bade qalîkerdişê xo wina domna: “Awbenda Dîcle semedê turîzmê Dîyarbekirî zî cayêko girîng der o. Ma wazeme ke hetêk ra awe bipawê heto bîn ra zî turîzm aver şêro.Yane ma saya ina xebate hem weşîya hemwelatê xo hem zî sibaroja turîzmî pawenê.”

Tutşı kîfş kerd ke destpêkê projeyî de mabênê 100 rojan de rapor virazîyayo û 240 roje dima zî raporê averşîyayişî virazîyayo û pêynîya 400 rojan de zî rapor bêra temamkerdiş

Tutşı aşkera kerd ke ina xebate xebatanê Dîskî de zî biba rêber û semedê pawitişê çimeyê awe ê xebatanê xo bidomnê.