Şaredarîya Bajarê Girdî ya Dîyarbekirî semedo ke hemwelatîyan gedeyanê xo yê astengdaran reyde wextê xo hîna weş biveynê û piştî bide averşîyayişê înan û baverîyê xo bi xo bizêdno Banê Mabêne awan kerd bî.

Merkezê ke hetê Serekîya Dayîreyê Xizmetanê Sosyal ya Şaredarî taxa Şehîtlîxî de ameyo viraştiş semedê averberdişê sosyal û fîzîkî yê gedeyan xebatan keno û cuya keyeyanê astengdaran keno asan.

Merkez nika 59 keyeyî rê xizmet keno û keyeyanê astengdaran gedeyê xo pawtê merkeze kenê û kar û gurê xo safî kene.

Merkez de semedê rehetîyê gede û keyeyanê înan her çi fikirîyayo. Merkez de revir, odeya hewnî, merkeze gêyrayişî, xizmetê wesayîtê astengdaran û servîsê psîkososyal, odeya perwerdehî, dersxaneyê hobi, salona sporî, dersxaneyê muzîkî, mitbax û aşxane pêroyî de 6 odeya perwerdehîye estê û merkez de semedê rayberîye gedeyan psîkologê pîspor wezîfe kenî.  

Keyeyanê astengdaranê derheqê xizmetê şaredarî de keyfweşîyê xo ardî ziwananê xo ser û Şaredarîya Girdî rê spas kerdê.

Kam eşkenê Banê Mabêne ra îstîfade bikerî?

Kesê ke bê dayîk û keyeyanê xo kesê înan çîn o ke miqateyê înan bibê û raporê înan mabênê se ra 40 û 80 de astengê înan estê û 36 aşme qedînayo eşkenê îstîfade bikerê.

Merkez mabênê hewteyî de saetanê 08:00-17:00 de xizmetê hemwelatîyan de yî û keyeyanê înan eşkenê pê fotokopîyê nasname û raporê xo bêrê qeydê xo bivirazê.

Hemwelatîyan eşkenê xeta Alo 153 ser o randevu bigîre û ina xizmet ra îstîfade bikerê.