Walî Su:”Ma hetêk ra semedê huzur û asayîşê hemwelatîyê xo tedbîran gênê heto bîn ra zî semedê averberdîşê refahê înan sermayegozarîyê xo kenî.”

Şaredarîya Bajarê Girdî ya Dîyarbekirî semedê xizmeta komresîya konforine 11 otobuseyê neweyî erînay.

Merasîmê otobuseyê neweyî, Tesîsê pirrkerdişê otobusan de virazîya û merasim de Walî Alî Îhsan Su qalîkerdişêk viraşt.Walî Su caardişê ina xizmetê ver keyfweşîyê xo ard ziwanê xo ser.

“Ma xizmeta resî ya girîng kenî falîyet”

Walî Su da zanaene ke semedo ke xizmeta en weş bidîyo hemwelatîyan xebetîyeno û bade qalîkerdişê xo wina domna:”Hem Walîtîya Dîyarbekirî hem zî Şaredarîya Girdî hetêk ra semedê huzur û asayîşê hemwelatîyê xo tedbîran Gênê heto bîn ra zî semedê averberdîşê refahê înan sermayegozarîyê xo kenî.Ma heme sektoran de semedê averşîyayişê bajarê xo xebetîyenî.Înan ra yew zî sektorê resî yo.Heme sektoran de çi destê m ara yenî ma texsîr nêkenê.Ma semedê averberdîşê xizmeta resî xebatanê zaf girîng kenî falîyet.”

Serra 2022 de semedo ke hemwelatîyan xizmetê resî ya hîna weş û konforine bigîrê ma xebatanê zaf girîng ard ca.Walî Su vîr vist ke 1800 kîlometre rayîr virazîya.

Walî Su aşkera kerd ke kişta xebatanê rayîrî de lewhayê nişane,peyavîyerî,kasîs zî virazîya.

Walî Su:”Heto bîn ra zî ma xizmetê komresî de zî xebatanê zaf girîng ard ca.Ma ewro 11 otobuseyê neweyî erînay,Qapasîteyê nê otobuseyan 117 pa ser de,36 roniişte pêroyî de 153 raywwanî gênê.Sayeyê xi de zî ma do 1683 hemwelatê xo rê xizmetê komresî bidê.

Otobuseyan rê wenîştişê qartê kredî û abonman dest pê kerd

Walî Su qalîkerdişê xo wina domna:”Ma mînîbusanê ke mabênê bajarî de xebetîyenî rê 100 heb pê qapasîteyê 300 raywan 5100 koltix qapasîteyin mînîbus îlawe kerd.Bi ina qayde ma do reyêk de 3383 hemwelatê xo rê xizmetê komresî bide.Ma otobuseyan rê wendîşê qodê qr, qerto abonman,qerto kredî,Ma vîzêr ra nata dest pê qertê abonmanî zî kerd.Qerta abonman 120 weniştiş 120 lîra ya.

Qapasîteyê raywanan zêde bî

Walî Su:”Ma otobuseyê kehen de panele kontrelkerdişî yê şoforan vurnenê.Nika 34 wesayîtê ma ameyê newekerdene.1ê Sibate 2023 ra nata zî hemeyê otobüse ma de sayeyê sîstemo newe de ma do qapasîteyê raywanan 163 henzar kesî ra bizednê 164 henzar û 683 kesI.”

“Qapasîteyê komresî reseno 180 henzarî”

Walî Su da zanayene ke otobuseyê neweyî etaba sifte qezaya Peyasî de 2 xet de,qezaya Sûrî xetêk de,qezaya Bismilî 2 xet de û qezaya Pîranî de zî pê xetêk xizmet bidê hemwelatê ma û sayeyê nê otobuseyanê neweyî qapasîteyê komresî reseno 180 henzarî.

Walî Su kîfş kerd ke problemê resî game bi game yena safîkerdiş û bade qalîkerdişê xo wina domna:”Ma probleme taksîyê plakayan safî kerd.Ma problemê resî game bi game safî kenî.”

“Ma seba xizmetê tîya de yî”

Walî Su qalîkerdişê xo wna qedînay:”Ma seba xizmetê tîya de yî.Ewilî Ez sey  Walî û Serekwekîlê Şaredarîya Girdî, bade heme qeymeqom û şaredarê ma xizmetê şima de yî.Ma do semedê weşî,rehetî û huzurê hemwelatê xo bê mîyan bixebitê.Ez bi ina wesîle wazena ke nê otobusan bajarê ma rê hemwelatê ma rê xeyrîn bo.”

Merasîm ra dima Walî Su otobusan sehna û agahî girewt.

Merasîm rê Walî Alî Îhsan Suyî reyde Sekreterê Pêroyî ya Şaredarîya Bajarê Girdî ya Dîyarbekirî Abdullah Çîftçı, serekkê dayîreyan û midurê sazgehan tedir bî.