Şaredarîya Bajarê Girdî ya Dîyarbekirî, Kelaya Zerzewanî de “Warê Pêşwazîyê Mêmanan” awan keno.

Şaredarîya Girdî semedo ke wa hemwelatîyan zîyaretê Kelaya Zerzewanî de zehmetî nêancê û mêmanan hîna rehet îxîyacîyê xo bivînê Warê Pêşwazîyê Mêmanan awan keno.

Warê Pêşwazîyê Mêmanan de warê fuarî,kafe,restoran cayê çî-mîyê dîyarî,cayê rotîşê bilêtan,mescit, lawabo û bînaya Cendermeyê Turîzmî ca gêno.

Şaredarî hedef kena ke 1 mîlyon hemwelatî bikerê mêman

Bedelê ina proje hetê Serekîya Îdareyê Averberdîşê Mintiqa GAPî dîyena û yena hedefkerdiş ke heta serra 2023î na xebate biqêdînê.

Her serre hema hema 400 henzar kes Kelaya Zerzewanî ziyaret kenî û yena hedefkerdiş ke sayeye no merkezî de ina humar vejê 1 mîlyonî.

Sekreterê Pêroyî yê Şaredarî Abdullah Çîftçî zî xebatanê ke Kelaya Zerzewanî de dewam kenîs ehna û derheqê xebatan di agahî girewt.Çîftçî talimat da ke wa xebatan demêko kilm de bera qedênayîş.

Zîyaret de Serekê Kendîşê ya Kelaya Zerzewanî Aytaç Coşkun û selahîyetdarê beşdan Çîftçî reyde tedir bî.