Şaredarîya Bajarê Girdî ya Dîyarbekirî semedo ke wa weşîya şarî bipawo serra 2022 de zî bê mîyan xebatanê xo domna.

Ekîbê Kontrolkerdişê Xidayî, Serekîya Dayîreyê Karanê Weşî ya Şaredarî ser o xebate kena.Ekîbê Karanê Weşî serra 2022 de qeyazanê Baxlar,SÛr û Yenîşehr3ı de 7 henzar û 42 kargehê ke xida roşenê yan zî depoyanê xo de ca danê ci teftiş kerd û teftîşan de 20 henzar û 150 kesÎ rê zî perwerdeyê pakî dîya.

Dest ronîya 2 ton û 707 kîlogram xida ser

Ekîbê şareadrî teftîşan de dest rona 2 on û 707 kîlogram xidayê vîyarte ser.

Caardişê Ala Sipî

Serekîya Dayîreyê Karanê Weşî ya Şaredarî semedo ke hemwelatîyan çî-mîyê weş û pak bierînê caardişê ala sipî viraşt.

Ekîbê Kontrolkerdişê Xidayî ya Serekîya Dayîreyê Weşî ya Şaredarî çarçiwa caardişê ala sipî de agahî da wayîrê kargehan.

Eke Kargehan hetê pakî,fîzîkî û teknîkî ûsn nêzdîyê 100 qeydeyî bîyarê ca “Ala Sipî” heq kenê.

Ekîbê şaredarî serra 2022 de 154 kargehî rê dazanayîşê ala sipî viraşt û nînan ra 26 hebî ala sipî qezenc kerd.

Ekîbê dermankerdişî serra 2022 de zî her hetê Dîyarbekirî de bi

Şaredarîya Girdî semedo ke wa hem weşîya şarî bipawo hem zî verê nêweşîyanê ke meş û melşeyam peyda benê bigîrê 17 qeza de bi 306 ğersonel û 65 wesayîtî her hetê Dîyarbekirî de xebata dermankerdişî viraşt.

Xebata dermankerdişî de dermananê ke Rêxistina Weşî ya Cîhane testîq kerde yo ameyê xebitnayene.

Şaredarîya Girdî xebata dermankerdişî 12 aşmî bê maben domna.

Ma heywanan zî xo vîra ra nêkerd

Şaredarî bi wesîleya 4ê Teşrîne Roja Pawitişê Heywanan ya CÎhane de, Merkezê Miqatebîyayişê Heywanan ya Şaredarî de aktîvîte tertip kerd û çalakî pê tewrê 2 ehnzar û 500 kesî virazîya.

Ekîbê Şaredarî serra 2022 de 10 henzar to mamayê pisîng û kutikan vila kerd û Merkezê Miqatebîyayişê Heywanan de tedawîyê 5 henzar û 745 heywanan virazîya û 2 henzar û 157 heywan ame xasênayene.