Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Îhsan Su,xelate sporbazî ke Musabaqayê Tenîsî de kewtê derece, dayê.

Şaredarîya Bajarê Girdî ya Dîyarbekirî semedo ke wa ciwan û gedeyan teşwîkê sporî bikerê xebatanê xo domnena.

Serekîya Dayîreyê Xizmetanê Ciwan û Sporî ya Şaredarî, tûrnûvayê tenîsî serrast kerd.

Mûsabaqa qezaya Peyasî, Qortê Girotî ya 75 de 4 kategorî de virazîya û 197 wendekarî mûsabaqa de mucadele kerd.

“700 mîlyon lîra erje de 63 proje”

 Mûsabaqayê fînale de Walî Alî Îhsan Su qalîkerdişêk viraşt û da zanayene ke her hetê Dîyarbekirî de xebatan virazîyeno.

Walî Su kîfş kerd ke par 22 henzar gedeyî kursanê sporî ra îstîfade kerd û emser zî 25 henzar gedeyî îstîfade kenî.

Walî Su da zanayene ke semedê averberdîşê sporî 63 heb proje virazîyeno û pêroyî de 700 mîlyon mesref şina nê projeyan.”

Walî Su wina vat:

“2 mîlyon û 245 henzar lîra desteg dîya 107 klûbê sporî. Ma her dem kişta spor û sporbazanê xo de yî.Semedo ke gedeyî ma spor bimusê û aver şêrê çi destê m ara yenî ma texsîr nêkenê.Ez heme kedkarê mûsabaqa rê û sporbazan û keyeyanê înan rê spas kena.Înşallah ma do şampîyonîya Tirkîya û cîhane biresnê.”

Qalîkerdişan ra dima Walî Su û Sekreterê Pêroyî yê Şaredarîya Girdî Abdullah Çîftçî sporbazan pîroz kerd û dîyarîyê înan teqdîm kerd.