Şaredarîya Girdî bi wesîleya aşma Remezanî, serrnameyê kultur û senetî ya taybet viraşt.İna qepsam de cîya-cîya aktîvîteyan yena tertîpkerdiş.Çarçeweya serrnameyî de Şaîr Nurullah Genç Dîyarbekirijan reyde ame têhet.

Serrnameyê kultur û senetî ya ama Remezanî dest pê kerd.Serekîya Dayîreyê Karanê Kultur û Sosyalî ya Şareadrî pê mottoyê “Dîyarbekir de Remezan cîya ye” çarçeweya programê suhbetanê Remezanî de hemelatîyan Şaîr Nurullah Gençî reyde ard têhet.

Xoşebee rê Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Îhsan Su û cinîya ey Zelîha Su, Sekreterê Pêroyî yê Şaredarî Abdullah Çîftçî û cinîya ey Meryem Çîftçî zî beşdar bîyî.Xoşebere hetê hemwelatîyan raştê eleqeyêko hewl ame.

Xoşeber de şaîr Genç, şîîranê ke tewr yena heskerdiş wend û pêynîya xoşeberî de Walî Su Şaîr Gençî rê mifteyê temsîlî yê sûranê Dîyarbekirî dîyarî kerd.

“Ma xoşeberî ver zaf keyfweş bîyî”

Hemwelatîyan derheqê programê Nurullah Gençî ser o keyfweşîyê xo ard ziwanê xo ser û beşdaran ra Elîf Damarî derheqê şewe de wina vat:”Şaredarîya Girdî semedê aşma Remezanî serrnameyêko zaf serrast kerdo.Ma ewro Merkezê Kultur û Kongreyî ya Sezaî Karakoçî de Mamosta Nurullah Gençî kerd mêman.Ma xoşeberî ver zaf keyfweş bî.Gereke herkes serrnameyî taqîb bikerê û bêrê.”