Şaredarîya Bajarê Girdî ya Dîyarbekirî bi wesîleya “Hewteyê Mitbaxa Tirk” afatzedîye ke Bajarê konteyneran de manenê rê, lezetê hêremîo ya Dîyarbekirî îqram kerd.

Rêberîya cinîya Serekkomar Recep Tayyıp Erdoganî, Emıne Erdogan Xanime, Hewteyê Mitbaxê Tirk reya diyîne yo ke Dîyarbekir de yena pîrozkerdiş û çarçiwa hewteyî de Şaredarîya Girdî qezaya Peyasî Bajarê Konteyneran de daşinasnayîşê lezetê hêremî kerd.

Çarçewa çalaki de lezetanê nîşanê hêremî yê DîyarbekirÎ ra meftune,birincê perde ,şîranîya cîmîlî 5 henzar kesî rê ameyê vilakerdene.

Serekê Dayîreyê Karanê Esnaf û Sinetkaran ya Şaredarî Ahmet Salduş da zanayene ke afatzedîye Bajarê Konteyneran de 5 henzar kesî rê lezetê hêremî ameyê vilakerdene.

Salduşî vîr vist ke qepsema Hewteyê Mitbaxa Tirk de lezetê hêremî yê Dîyarbekirî Îçkale de yene nîşandayene û “Ma ewro zî tîya de afatzedîyan vîr ra nêkerd, ma amey Bajarê Konteyneran û Ma do hemwelatê xo rê lezetanê hêremî yê bajarî xo vila bikerê” vat.

Gedeyî pewtîşê werdî musayî

Heto bîn ra Kitabxaneyê Prof.Dr. Fuat Sezgînî de “Atolyeya Werdpewjî ya Gedeyan” de bi tewrê 40 gedeyî aktîvîte virazîya. Gedeyî pewtişê werdî musayî û werdpewjan reyde tirşik ûsn werde viraşt.                                                                                                                                                                                                                                                                       Gedeyî rê selateyê hewselî ame îqramkerdene û çalaki qedîya.

Çalakî rê Hetkarê Walî Îlyas Ozturk, Qeymeqomê Peyasî Arîf Karaman, Qeymeqomê Çinarî Muhammed Fatîh Gunlu û Hetkarê Sekreterê Pêroyî yê Şaredarî Bulent Cîvelek beşdar bîyî.