Şaredarîya Bajarê Girdî ya Dîyarbekirî qezaya Baxlarî Parka Koşuyolî de Merkezê Zanistî ya Alî Emîrî awan kerdbi û uca de do Cezerîyê newî biresnê.

Serekîya Dayîreyê Xizmetanê Ciwan û Sporî ya Şaredarîya Girdî, semedo ke desteg bido perwerde averşîyayişê ciwanan Merkezê Zanistî ya Alî EmÎrî de dest pê qeydan kerd.

Merkezê Zanistî

Merkezê Zanistî ya Alî Emîrî qatê 1ine de semedo ke wa Cezerîyê newî biresnê desteg bidîyo ciwanan.

Wendekarî do Planetaryumê Fezayî de bi teleskopan estare, estareyê geyrayê û cîsmê bîn yê fezayî temaşe bikerê.

Merkezê Zanîstî de wendekarî do laboratuwarê BîyolojÎ û Fîzîkî de aver şêrê.

Perwerdekaranê Pîspor ciwanî serreyanê rew de zanîst û îlîmî reyde bîyarê têhet û Cezerîyê newî do Baxlar de biresnê.

Wendekarî do kişta laboratuwaran atolyeyanê yazilim Û kodlamayî de zî projeyanê ke xeyal kene bieşkê bîyaro ca.

Dersanê binge zî bêrê dayene

Merkez de wendekarî do perwerdeyê mektebo veren û mîyanên ra îstîfade bikerê û dersanê ke mekteban de wanenê sey îngîlîzkî, matematik, tirkî ûsn. dersanê binge bigîrê.

Wendekarî do kişta dersan falîyetanê atölye, klup, gêyrayîş ûsn ra zî îstîfade bikerê. Hewte de 7 rojî wendekarî do Xizmetanê Destegê Psîkolojîk û Rayberîye ra îstÎfade bikerê.

Wendekarî do bieşkê tewrê xoşeber, panel û konferansan zî bibê.

Muracat

Wendekarê ke wazenê qeydê xo bivirazê eşkenê sîteyo webî ya şaredarî lînkê https://bilgievi.diyarbakir.bel.tr/ ser o yan zî keyeyanê xo reyde fotokopîyê kamî,belgeye wendekarî û formo qeydî pirr ke û Merkezê Zanîstî ya Alî EmÎrî de qeydê xo bivirazê.