Taxa Gozalan de problemê awa şimitişî safî bena

Şaredarîya Bajarê Girdî ya Dîyarbekirî qezaya Peyasî taxa Gozalanî de semedê safîkerdişê probleme awa şimitşî xebatanê xo domnena.

Midurîya Pêroyî yê Awe û îdareyê Kanalîzasyonî ya Şaredarîya Girdî (DÎSKÎ) semedo ke wa taxan rê şewe û roje awa şimitişî peyda bikero, xebatanê xo domneno.

Na qepsam de ekîbê Dîskî taxa Gozalanî ya ke 67 keye û 700 hemwelatî estê, de 1861 metre dergÎ de xebata awa şimitişî virazenê.

Midurê Pêroyî yê DÎSKÎ Firat Tutşî xebatan ca de sehna û da zanayene ke xebate tîya hema hema qedîyayo.

Tutşî da zanayene ke semedê safîkerdişê probleme awa şimitişî yê taxan ekîbê Dîskî şewe û roje bê mîyan xebetîyenê û rayîrê xizmetê awe yê ne baş zî girêdayîşê aboneyan ra vîyareno.

Tutşî kîfş kerd ke semedo ke herkes biresê awa şimitişî gereke hemwelatîyan awa şimitişî bi hîstenîkî bixebitnê û awedayîşê hega û baxçeyan de zî aw aşimitişî mexebitnê.