Projeya raştkerdişê dorûverê Pirdo Malabadî hema hema qedîya

Şaredarîya Bajarê Girdî ya Dîyarbekirî, xebata raştkerdişê dormeleyî ya Pirdo Malabadî yo ke Lîsteya Mîrasanê Cîhane ya Muweqet ya UNESCOyî de ca gêna,hema hema qedînay.

Serekîya Dayîreyê Park, Baxçe û Cayanê Zergûnînan ya Şaredarîya Girdî, semedo ke wa rindîya Pirdo Malabadî yo ke qezaya Farqînî de ca gêno, vejo werte xebata raştkerdişê dorûverê pirdo Malabadî de xebatan se ra 70 qedînay.

Xebata binawanî ya projeyi qedîya û xebata serawanî dewam kena. Çarçeweya projeyî de 24 henzar metrekareyin ca de rayîrê rayraşîyayişî, kafeterya, cayê kaykerdişê gedeyî, terasê temaşekerdişî, cayê roniştiş, arisîyayişî û tepiştişê mase bêrê awankerdiş.

 Qepsema projeyi de ekîbê şaredarî do 14 henzar û 500 metrekareyin ca de 15 cîya tewir de 361 dara derzine û bîn, 1523 leyek û 2 henzar û 564 nebate ronê.

Qepsema projeyi de 4 henzar metrekareyin ca ser o rayîrê rayraşîyayişî, 400 metrekareyin ca de zî cayê kaykerdişê gedeyan bêra awankerdiş.

Kemera aye bi 40.86 metreyin kemera pîj cîhanê de kemera kerrayin ya en derg a û qepsema xebatan di 210 metrekareyin terasê temaşekerdişî, 40 metrekareyin kafeterya û wc yê cinî Û camêrdan,12 masa û 22 qutîyê çopî bêrê viraştiş.

Ekîbê şaredarî do semedê awedayîşê hêşînayî zî 80 metrekareyin depoyê awe awan bikero.