Şaredarî cayanê ke newe îlaweyê bajarî bîyî de xebata binawanî domnena

Şaredarîya Bajarê Girdî ya Dîyarbekirî qezaya Sûrî, taxanê Yukarikilçtaş û Yîgîtçavuş de xebata binawanî û awa şimitişî hema hema qedînay.

Midurîya Pêroyî yê Awe û Îdareyê Kanalîzasyonî ya Şaredarîya Bajare Girdî ya Dîyarbekirî(DÎSKÎ), cayanê ke newe îlaweyê bajarî bîyî de xebata binawanî û awa şimitişî domneno.

Ekîbê DÎSKÎ qezaya Sûrî, taxanê Yukarikilçtaş û Yîgîtçavuş de xebata binawanî û awa şimitişî virazeno.

Taxa Yukarikiliçtaş de 5 henzar û 854 metre şebekeyê kanalîzasyonî û 350 xebata aboneyi virazîyeno.

Qepsema xebata binawanî de 10.282 metre xeta kanalîzasyonî, 294 metre xeta kanalîzasyonî ya terfi, 270 locinê muayeneyi û 55 metre sondaj virazîyeno.

Çîftçî xebatan sehna

Sekreterê Pêroyî yê Awe û Îdareyê Kanalîzasyonî ya Şaredarîya Girdî Abdullah Çîftçî û Midurê Pêroyî ya DÎSKÎ Firat Tutşî xebatan ca de sehnayî û derheqê xebatan di selahîyetdaran ra agahî girewtê.

Çîftçî da zanayene ke xebatan di bi hîstenîkî dewam keno û “Xebata binawanî ya taxan zaf baş virazîyeno û ez kedkaran xebatanê Înan ver pîroz kena” vat.

Tutşî zî da zanayene ke semedê binawanîyêko hîna modern û konforine mintiqayê ke problem estê de xebatan bêra zêdekerdiş û Midurîya Pêroyî ya Dîskî goş dana heme waştîşê hemwelatîyan û goreyê înan zî xebatanê xo domneno.