Qeydê Kursê EKPSS dest pê kerd

 Şaredarîya Bajarê Girdî ya Dîyarbekirî semedê astengdaranê ke kewenê EKPSS (Îmtîhanê Weçîntişê Personelê Kamu ya Astengdaran)  hîna rehet bixebitê kursê EKPSS akerd.

Şaredarîya Girdî hetêk ra bi aktîvîteyan destek dana cûya sosyal yê astengdaran heto bîn ra zî destegê perwerdeyî dana înan.

Kursê EKPSS yo ke Midurîya Astengdaran ya Serekîya Dayîreyê Xizmetanê Sosyal ya Şaredarîya Girdî ser o xebate kena, şaredarî demê perwerdeyî yo serra 2023-2024 qeydê kursan akerd.

Kurs ra hemwelatê astengdarê zîhnî ya şenik, astengdarê çiman û nêweşîyê daîmî estê, eşkenê îstÎfade bikerê. Kurs de Tirkî, Matematîk, Cografya, Tarîx, Anayasa, Înklabê Ataturkî, Cografyaya Tirkîya, Kultur û Medenîyetî, Hemwelatî û babetê rojane de ders bidîyo astengdaran.

Midurîya Astengdaran semedo ke wa hemwelatê astengdar tewrê aktîvîteyan bibê Kişta kursê EKPSS perwerdeyê govend, culagê çermî, boyaxkerdişê axşabî, perwerdeyê vengî, gitar, drama, tembûr, viraştişê tablo yo elektronîk, mundişê nake bidîyo.

Hemwelatîyan do goreyê astengê xo cîya-cîya grûban de desr bigîrê.

Qeydê kursan heta 29e Elule dewam kena û hemwelatîyan eşkenê Merkezê Destegê Astengdaran û Merkezê Cuya Aktîf de qeydê xo bivirazê.