Dereyê Karamusa do pak biheriko

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ), semedê safîkerdişê problemê awa eşte ya Dereyê Karamusa ya taxa Çarixli, xebate da dest pêkerdiş.

Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ), awa eşte yo ke şina Dereyê Karamusa do bi xebatanê xo safî bikero û dere do hîna pak bimano.

Eke DSÎ xebate başkerdişî biqedîno DÎSKÎ dest bi caardişê projeyî bikero.

Mudirîya DÎSKÎ do Taxa Çarixli de Tesîsê Awguznayîşê Gendawe yo Bîyolojîk bivirazo û awa eşte ya kargeh û banan bêra awguznayîş.

Midurê Pêroyî ya DÎSKÎ Firat Tutşî xebatan ca de sehna. Tutşî derheqê xebatan de agahî girewt.

Tutşî da zananeye ke sayeya ina proje do binawanî ya Çarixli hînaz xêz bibo û qalîkerdişê xo wina domna:

“Verê cû taxa dereye Karamusa awe ser da şibi û xetanê kanalîzasyonî ya DÎSKÎ zerar vinabi. Aye ra tayê kanalîzasyonê keyeyan şîyêne dere. Eke DSÎ xebate başkerdişî dere biqedîno, ma do dest bi xebata kanalîzasyonî bikerê. Ma do awa eşte Tesîsê Awguznayîşê Gendawe yo Bîyolojîk de pak bikerê û biresnê hemwelatîyan. Ma sermede safîkerdişê nê probleman projeyeke pîl da dest pêkerdiş. Sayeya projeyi de ma do hem binawanîya Çarixli xêz bikerê hem zî vere leyminbîyayişê Çemê Dîcle bigîrê. Ma lebate keme ke semedê safîkerdişê probleman xizmetanê en baş bidê şarî.”