“Festîvalê Zebeşa Dîyarbekirî” 22-23ê Elule de

Festîvalê Zebeşa Dîyarbekirî ya 13ine 22-23ê Elule de Meydanê Dagkapi di bi çalakiyan bêra viraştiş.

Walîtîya Dîyarbekirî û Şaredarîya Bajarê Girdî ya Dîyarbekirî pê şirikî semedê daşinasnayişê zebeşa Dîyarbekirî yo ke tescîlê nişane cografyaye girewto û vere cû bi deweyan kirişîyêne Festîvalê Zebeşa DÎyarbekirî emser bi reya 13 yena viraştiş û semedo ke wa hemwelatîyan hîna rehet şêrê Meydanê Dagkapi de virazîyeno.

Çalakîyan do 22ê Elule saet 15:30 de Birca Bize ra heta Meydanê Dagkapi bi meşîyayişê kortejî dest pê bikero.

Qepsema çalakîyanê Meydanê Dagkapi de zî wendekarê lîse mîyan de musabaqaya werdişê zebeşe, gedeyê emre înan 8-15 serrî yê de zî musabaqaya giloverkerdişê zebeşe bêrê viraştiş û gedeyî do mirda xo keyf bikerê.

Standan de berhemê Kursîyeranê Kursê Musnayîşê Mesleg û Hunerî (DÎSMEK) bêrê nîşandayene.

Zebeşa en girane bêra weçînitiş

Qepsema çalakîyan de citkarê ke zebeşa en girane resnayo bêra weçînitiş.

Yewîyê mûsabaqayî rê 20 henzar, diyîn rê 15 henzar, hîrêyin rê 10 henzar lira xelat dîyeno.

Konseran bêrê viraştiş

Festîval de mojnayîşê bandoyî bêra viraştiş û Hunermend Bîla Sonses do 22ê Elule saet 20:00 de, Hunermend Rojîn 23ê Elule saete 20:00 de konser bidê.

23ê Elule saet 21:00 de zî Hîpodromê DîyarbekirÎ de :”Vozdayîşê Taybet ya Zebeşa Dîyarbekirî” bêra viraştiş.