5 henzar lîra desteg dîyena wendekaran

Walî Alî Ihsan Su:”Demê perwerdeyîya newî de ma do her aşme 1000 tl pêroyî de 5000 tl destegê perwerdeyî bideme wendekaranê ke emser reya sifte unîversîte qezenç kerdo. Şima bixebitê ma her wqext xizmetê şima de yî.”

Şaredarîya Bajarê Girdî ya Dîyarbekirî da zanayene ke 2500 tl bidîyo, wendekaranê ke merkez û qezayanê Dîyarbekirî de ronişenê û emser reya sifte unîversîte qezenç kerdo.

Semedê wendekaranê Akademî Lîse û Yurdê Kênayan ya Serekîya Dayîreyê Xizmetanê Ciwan û Sporî ya Şareadrîya Girdî çalaki ame tertîpkerdiş.

Merasîm Merkezê Kultur û Kongreyî ya SezaÎ Karakoçî de virazîya û Walîyê Dîyarbekirî û Serekwekîlê Şaredarîya Bajarê Girdî ya Dîyarbekirî Alî Îhsan Su, merasÎm de qalî kerd û da zanayene ke her hetê Dîyarbekirî de xizmetê hemwelatîyan de yê.

Walî Su da zanayene ke bajar di xeylê xizmet virazîyeno û qalÎkerdişê xo wina domna:

“Rayîran ra bigîrê heta parkan, baxçeyanê şarî, kampê ciwanan, warê seyranan, çatreyan bi seyan xizmetan dîyena Dîyarbekirîjan.”

5 henzar lîra desteg dîyena wendekaranê Dîyarbekirij

Walî Su aşkera kerd ke semedê perwerde û averşîyayişê ciwanan çi destê îjnan ra yeno texsîr nêkeno û badê qalîkerdişê xo wina qedînay:

“Par Akademî Lîseyanê Şaredarî ra 10 henzar ciwane ma îstîfade kerd. Emser ma nêzdîyê 15 henzarî rê kursê bêpere daye. Par tesîsê sporê şaredarî ra 22 henzar ciwane ma îstÎfade kerd emser 32 henzarî îstîfade kerd. Emser 1384 wendekarî ra 1041 hebÎ unîversîte qezenç kerd. Ma par 2 henzar û 500 lîra desteg da wendekarî emser ma do her aşme 1000 lîra pêroyî de 5000 lîra bideme wendekaran. Wa wendekarê ma bixebitê ma her wext kişta înan de yê.”

Çalakî de hetê wendekaranê Akademî Lîse û Yurdê Kênayan ra konser dîya û şîîr ame wendiş, wendekarî govend ont. Sewbînan Walî Su wendekarî ke îmtîhan de kewtbi 100 henzarî yo verên rê zî 5 henzar lira çek da.

Çalakî rê Sekreterê Pêroyî ya Şaredarîya Bajarê Girdî ya Dîyarbekirî Abdullah ÇÎftçî, Rektorê Unîversîteya Dîcle Prof.Dr. Mehmet Karakoç, Qeymeqomê Baxlarî Îsmaîl pendîk, midurê dsazgehan, wendekar û mamostayan beşdar bîyî.

Qeydan dest pê kerd

Muracatî 21ê Elule de dest pê kerd û heta 6ê Citmenge saet 23:59 do dewam bikero. Ciwanî eşkenê sîteyê  http://basvuru.diyarbakir.bel.tr ser o qeydê xo bivirazê.